Mersinin Silifke rayonunda istixanalarda məhsulu davam edən qara tutun kiloqramı 120 lirədən satışa çıxarılıb.
Sherg.az xəbər verir ki, Hava istiliyinin 22 dərəcəyə çatdığı rayonda təxminən 250 hektar sahədə örtü altında qara tut istehsalı həyata keçirilir.
Meyvələr kənd təsərrüfatı işçiləri tərəfindən səhər tezdən budaqlardan yığılaraq paketlərə qoyulur.
Kiloqramı 120 lirədən satışa çıxarılan məhsullar yük maşınları ilə Atayurt bazarına daşınır.
Silifke Əkinçilik Otağı Başçısı Kamal Gezerverdiyi açıqlamada məhsul yığımının aprel ayının sonuna qədər davam edəcəyini söyləyib.
Qara tutun təkcə daxili bazara deyil, xaricə də göndərildiyini bildirən Gezer istehsalçılara bol məhsul arzulayıb.
Atik Məhəlləsindəki istixanasında məhsul yığan istehsalçılardan olan Ərdoğan Metin, "İstixanamda təxminən 100 tut ağacı var. Hər ağacdan orta hesabla 60 kiloqram məhsul alıram. Martın 1-də başladığım məhsul yığımına aprelin ilk həftəsinə qədər davam etməyi planlaşdırıram" deyib.
Mövsümi şərtlərin yaxşılaşdığını bildirən Metin sözünə davam edir: “Son günlərdə yaşanan soyuq hava məhsulları bir az təsirləndi.
İndi hava da, tut da gözəldir. Keyfiyyəti də var. Məhsulları Dubaya ixrac edirik”.
Ayşə Çağıl 3 hektarlıq istixanada yetişmiş qara tutları yığdıqlarını və yığarkən meyvələrə zərər verməməyə diqqət etdiklərini də açıqlayıb.
