Azərbaycan Mərkəzi Bankı(AMB) ilə Türkiyə Mərkəzi Bankı (TMB) arasında əməkdaşlığa dair Anlaşma Memorandumu imzalanıb. İmzalanan Memoranduma əsasən bu təşkilatlar arasında mərkəzi bankçılığın müxtəlif istiqamətlərində təcrübə mübadiləsinin aparılması, birgə tədqiqat işlərinin reallaşdırılması, təlim proqramlarının keçirilməsi, məsləhət xidmətinin göstərilməsi nəzərdə tutulur.
Eyni zamanda Memorandum çərçivəsində tərəflər arasında hər iki ölkədə baş verən iqtisadi və maliyyə proseslərinə, eləcə də mərkəzi bankçılıq məsələlərinə dair məlumat və fikir mübadiləsi aparılacaqdır.
Bununla bağlı "Sherg.az"a fikirlərini bildirən iqtisadçı- ekspert Rəşad Həsənov qeyd edib ki, bu əməkdaşlıq çərçivəsində daha çox təcrübə paylaşımından söhbət gedir:
"Həmin sənəd əməkdaşlığın inkişaf etdirilməsi, təcrübənin bölüşdürülməsi, ötürülməsi istiqamətində əlverişli imkanlar yaradıb, prosesi daha da sürətləndirəcək.
Düşünürəm ki, bu , AMB-nin yaxın 5 il ərzində daha liberal şərtlər daxilində humanitar məzənnə siyasəti həyata keçirməsi üçün qardaş ölkənin təcrübəsini dərindən öyrənməyə şərait yaradacaqdır.
Türkiyə ilə ilə bank sahəsində olan əməkdaşlığımız Azərbaycanın orta və uzunmüddətli dövrdə üzən məzənnə rejiminə keçməsi prosesinə müəyyən töhvə verə bilər".
AYTAC ALİ
