65 yaşlı, 70 faiz əlilliyi olan Hacı Hasanın hekayəsi ürək dağlayır
Adananın Kozan rayonunda yaşayan, 65 yaşlı, 70 faiz əlilliyi olan Hacı Hasan Kaplan, illərdir təkbaşına həyatını davam etdirir. O, kəndində balaca ikən tapdığı sincab Kibar ilə dostlaşıb və indi onunla birgə yaşayır.
Sherg.az türk mediasına istinadən Kaplanın fikirlərini təqdim edir:
“6 övladım var, amma mənə baxmırlar. Sincabım isə sanki hal-əhval tutur. Qapı açıq olsa da getmir, məni tək qoymur.”
4 il əvvəl səhhətindəki problemlər səbəbindən kənddən Kozan şəhərinə köçən Kaplan, dövlətin əlillik maaşı və xeyriyyəçilərin dəstəyi ilə yaşayır. O, bir müddət əvvəl eşitmə cihazının oğurlandığını da bildirib.
Kaplan sincapla münasibətini belə təsvir edir:
“Onu körpə vaxtı qapının önündə tapdım. Əvvəl süd, sonra çörək qırıntıları ilə bəslədim. Mənə alışdı. İndi onu təbiətə buraxa bilmirəm. Kənddən buraya gələndə də yanımda gətirdim. Axşam özəl yatağı var, orada yatır. Səhər durub cibinliyimin altından qulağımı qıdıqlayır, oyun istəyir.”
65 yaşlı Kaplan, “Əvvəllər dostum çox idi, amma dağıldı hər şey, nə dost qaldı, nə arvad. Övladlarım mənə baxmır. Kibar isə mənim sağ əlimdir. Mən ölüm, amma ona birşey olmasın. Bir tükü belə düşməsin. O qədər sevirəm” deyərək Kibarın ona olan sədaqətini vurğulayıb.
