Ayaqqabıların dar gəlməsi, xüsusilə yeni alınan və ya zamanla bərkimiş ayaqqabılar üçün geniş yayılmış problemdir. Sosial şəbəkələrdə populyarlaşan və istifadəçilər tərəfindən müsbət nəticələr verdiyi bildirilən bir üsul, artıq bir çox insanın təsdiqini alıb. Ayaqqabınızı atmazdan əvvəl bu üsulu sınayın.
Sherg.az xəbər verir ki, sosial media fenomenləri tərəfindən irəli sürülən bir məsləhət, balaca gələn ayaqqabılar üçün çıxış yoldudur. Dondurma texnikasının ayaqqabını təxminən 1 nömrə böyütdüyü və bu yolla xilas etdiyi bildirilir. Sınayanlar isə olduqca razıdır. Budur, üsulun detalları:
Bu üsul, suyun donarkən genişlənməsi prinsipinə əsaslanır. Su donduqda həcmi artır və bu genişlənmə ayaqqabının içini böyüdə bilir. Tətbiqi isə olduqca sadədir. İlk olaraq, möhkəm və sızdırmaz bir dondurucu torbasının təxminən üçdə biri qədərinə su doldurulur. Sonra ağzı bərk bağlanaraq sızmanın qarşısı alınır. Daha sonra torba, xüsusilə dar gələn hissəsinə diqqətlə yerləşdirilir. Ayaqqabı, içində su dolu torba ilə birlikdə dondurucuya qoyulur və suyun tam donması üçün adətən bir gecə saxlanılır. Donma prosesi bitdikdən sonra ayaqqabı dondurucudan çıxarılır və torba çıxarılır. Ayaqqabının içinin bir qədər genişləndiyini görəcəksiniz.
Sosial şəbəkə istifadəçilərinin fikrincə, bu üsul ayaqqabını təxminən 1 nömrə böyüdür. Xüsusilə dəri və elastik materiallardan hazırlanan ayaqqabılarda daha effektiv olduğu bildirilir. İstifadəçi rəylərinə əsasən, bu üsul həm iqtisadi, həm də ayaqqabıya zərər vermədən genişləndirmə imkanı yaradır. Lakin bu metodun bütün ayaqqabı növlərində eyni nəticə verməyə biləcəyi də unudulmamalıdır. Xüsusilə incə materiallardan – məsələn, süet və ya çox nazik dəridən hazırlanmış ayaqqabılarda həddindən artıq genişlənmə materiala zərər vura bilər. Əgər bu üsulu tətbiq etmək istəyirsinizsə, ayaqqabını dondurucudan çıxardıqdan sonra onu otaq temperaturunda təbii şəkildə açılmasına imkan tanımalısız. Dərhal geyinmək tövsiyə olunmur. Bu şəkildə, ayaqqabının materialına zərər vermədən nömrəsini böyütmüş olacaqsınız. Dondurucu torba və donma üsulu, dar ayaqqabılar üçün praktik və aşağı xərcli bir həll yolu ola bilər. Ayaqqabı sıxlığından əziyyət çəkənlər üçün bu metod sınamağa dəyər alternativlərdən biridir.
