Təxminən 200 min BMW sahibi avtomobillərini küçədə saxlamalıdırlar, çünki park edərkən və ya hərəkət edərkən alovla bilər.
Teleqraf xəbər verir ki, bu barədə NBC News məlumat yayıb.
Alışma təhlükəsinə məruz qalan avtomobil modellərinə 2019-2022 Z4, 2019-2021 330I, 2020-2022 X3, 2020-2022 X4, 2020-2022 530I, 2021-2022 430I daxildir.
Bildirilir ki, avtomobillərin start relesi korroziyaya uğraya bilər, bu da "relenin həddindən artıq isinməsinə və qısaqapanmasına gətirib çıxarır ki, nəticədə bu da yanğına səbəb ola bilər".
NBC News-un məlumatına görə, alman avtomobil istehsalçısı ehtiyat hissələrinin mövcudluğundan asılı olaraq geri çağırışı mərhələlərlə həyata keçirəcək.
Vurğulanıb ki, ilkin bildirişlərin noyabrın 14-də sahiblərinə göndərilməsi planlaşdırılır, ikinci bildiriş isə əvəzedici hissələr mövcud olduqda göndəriləcək.
