Türkiyə Cümhuriyyətinin qurucusu Mustafa Kamal Atatürkün adı yalnız Türkiyədə deyil, dünyanın müxtəlif ölkələrində də küçə, meydan, park, məktəb və abidələrdə yaşadılır.
Sherg.az təqdim edir:
Yeni Dehli -Hindistan
Hindistanın paytaxtında şəhərin ən işlək küçələrindən biri Mustafa Kamal Atatürk Marg adlanır.
Sidney -Avstraliya
Hyde Parkda Atatürk abidəsi yerləşir. Abidədə Çanaqqala döyüşlərində həlak olan ANZAK əsgərlərinin analarına ünvanlanan məşhur məktubundan sözlər yer alır.
Buxarest - Rumıniya
Şəhərdə Mustafa Kamal Atatürk Meydanı və meydandakı Odeon Teatrının qarşısında Atatürk büstü var. Abidədə “Türkiyə Cümhuriyyətinin qurucusu” və “Yurdda sülh, dünyada sülh” ifadələri yazılıb.
Havana - Kuba
Havanadakı Plaza de Armas parkında Atatürk heykəli ucaldılıb. Heykəl 2011-ci ildə hazırlanıb və üzərində “Yurdda sülh, cahanda sülh” ifadəsi yer alır.
Budapeşt - Macarıstan
Şəhərdə Naphegy parkında Atatürkün büstü yerləşir. Abidənin macarlar tərəfindən Atatürkə olan heyranlıq səbəbilə hazırlandığı bildirilir.
Yehud - İsrail
Yehud şəhərində Atatürk abidəsi 2007-ci ildə açılıb. Abidədə Türkiyə və Atatürkə minnətdarlığı ifadə edən sözlər yer alır.
Skopye -Şimali Makedoniya
Şəhərdə Atatürkün adını daşıyan küçə, həmçinin Qostivar ərazisində Mustafa Kamal Atatürk adına məktəb fəaliyyət göstərir.
Rotterdam - Niderland
Şəhərdə “Atatürkstraat” adlı küçə var. Küçə nişanında Atatürkün Türkiyə Cümhuriyyətinin qurucusu və ilk prezidenti olduğu qeyd edilir.
Santyaqo - Çili
Şəhərdəki parklardan birində Atatürk relyefi yerləşir. Abidədə onun liderliyi, qəhrəmanlığı və sülh idealları vurğulanır.
Roma - İtaliya
Romada Mustafa Kemal Atatürkün adını daşıyan bulvarla yanaşı, onun şərəfinə abidə də ucaldılıb. Abidədə “Yurdda sülh, dünyada sülh” ifadəsi italyan dilində yazılıb.
Bakı - Azərbaycan
Bakıda Atatürkün adı park, məktəb və büstlə yaşadılır.
Mexiko - Meksika
Atatürk abidəsi 2003-cü ildə Mexikoda açılıb və şəhərin Reforma prospektində yerləşir.
Vaşinqton – ABŞ
Atatürkün vəfatının 75-ci ildönümündə, 2013-cü ildə Vaşinqtonun Sheridan Circle meydanında heykəli ucaldılıb.
Vellinqton – Yeni Zelandiya
Tarakena körfəzində Atatürk abidəsi yerləşir. Ərazinin Gelibolu yarımadasına bənzəməsi abidənin burada ucaldılmasının səbəblərindən biri kimi göstərilir.
Dakka – Banqladeş
Banqladeşin paytaxtında uzun küçələrdən biri “Kemal Atatürk Avenue” adlanır.
Amsterdam – Niderland
Şəhərdə Atatürk abidəsi yerləşir. Abidədə holland və türk dillərində sülh, birlik və həmrəyliklə bağlı ifadələr yer alır.
Astana - Qazaxıstan
İşil çayının sahilindəki parkda Atatürk heykəli var. Heykəl 2009-cu ildə açılıb.
Bişkek - Qırğızıstan
Şəhərdə 1995-ci ildə parklardan birinə Atatürkün adı verilib, 2015-ci ildə isə burada onun heykəli ucaldılıb.
Santo-Dominqo - Dominikan Respublikası
Paytaxtda küçələrdən biri Mustafa Kemal Atatürkün adını daşıyır.
Vaakayama - Yaponiya
Kuşimoto qəsəbəsindəki Türk Muzeyində Atatürk heykəli yerləşir. Heykəldə onun imzası və “Yurdda sülh, dünyada sülh” ifadəsi yer alır.
Lima - Peru
Perunun paytaxtında Atatürk büstü yerləşir.
Albani - Avstraliya
Şəhərdə dəniz kənarında 4,5 metr hündürlüyündə Atatürk heykəli və Atatürk parkı var. Albani ilə Gelibolu 2003-cü ildə qardaş şəhər elan edilib.
Aşqabad – Türkmənistan
Türkmənistanın paytaxtında Atatürk Meydanı və Atatürk heykəli yerləşir.
Vrotslav – Polşa
Şəhərdə peşə məktəblərindən birinə Mustafa Kamal Atatürkün adı verilib.
Vize – Belçika
Şeratt qəsəbəsində küçələrdən biri “Place Ataturk” adlanır. Küçənin adı 2003-cü ildə dəyişdirilib.
Karlovı Varı - Çexiya
Atatürk Birinci Dünya müharibəsi zamanı burada müalicə olunub və Rudolfs Hof pansionunda qalıb. Hazırda binada onun burada yaşamasını xatırladan lövhə var.
Kabil - Əfqanıstan
Kabildə 1991-ci ildə Türkiyə ilə Əfqanıstan arasında əldə olunan razılaşma əsasında uşaq xəstəxanası yaradılıb və ona Atatürk Uşaq Xəstəxanası adı verilib.
Beləliklə, Atatürkün adı və xatirəsi Asiyadan Avropaya, Amerikadan Avstraliyaya qədər dünyanın müxtəlif şəhərlərində küçə, park, məktəb və abidələrdə yaşadılır.
