Dünyanın müxtəlif ölkələrində milli, ənənəvi yeməklər, içkilər və restoranlar haqqında məlumat təqdim edən "TasteAtlas" dünyanın 100 ən yaxşı salatını - məzələri sıralayıb. İlk 50-likdə Türkiyədən 4 salat yer alıb.
“Sherg.az” “NTV.com.tr”yə istinadən qeyd edir ki, "TasteAtlas"a görə, Türkiyənin zəngin mətbəx mədəniyyətini əks etdirən bu ləzzətlər beynəlxalq arenada böyük rəğbət qazanıb. Türkiyənin Antalya bölgəsinə məxsus Piyaz salatı həm sağlam, həm praktik və dadlı olduğuna görə siyahıda 9-cu yerdə qərarlaşıb. Antalya Piyaz salatı quru lobya, cəfəri, soğan və sumaxdan ibarətdir. “TasteAtlas” Türkiyə Patent və Ticarət Nişanı İdarəsindən coğrafi göstərici sertifikatı ilə qeydiyyatdan keçmiş “Antalya üslublu piyaz”ın reseptini də verib. Tərkibində tahin, limon suyu və sirkədən hazırlanmış zəngin və hamar sous var. Lobya bişirilir, üzərinə sous əlavə edilir. Salatı adətən doğranmış pomidor, dilimlənmiş soğan, bərk qaynadılmış yumurta, zeytun yağı və cəfəri ilə bəzəyirlər. Siyahıda “Kısır” 14-cü, “Zeytun piyazı” 23-cü, qovrulmuş badımcan salatı isə 42-ci yerdə qərarlaşıb.
İlk onluğa daxil olan məzələr bunlardır:
1. Yunanıstan: Dakos
2. Yunanıstan: Horiatiki salatı
3. Tunis: Huriya
4. İtaliya: Kapri salatı
5. Livan: Fettuş salatı
6. Bolqarıstan: Shopska salatı
7. İndoneziya: Pecel
8. Çin: Pai Huang Gua
9. Türkiyə: Antalya Piyaz
10. Tunis: Mechouia Salatı
Bu salatların hər birinin hazırlanma qaydası da təqdim edilib.
