ABŞ-nin “Colossal Biosciences” Şirkəti XVII əsrdə nəsli kəsilmiş dodo quşunu yeddi il ərzində yenidən canlandırmağı planlaşdırır.
Teleqraf xəbər verir ki, bu barədə “Bloomberg” məlumat yayıb.
Şirkət laboratoriyada dodonun uzaq qohumu olan göyərçin növlərindən ilkin qamet hüceyrələrini yetişdirməyə müvəffəq olduğunu açıqlayıb.
Dodonu yenidən həyata qaytarmaq üçün 120 milyon dollar toplanılıb və onun ümumi büdcəni 555 milyon dollara çatdırıb. Layihə şirkətə 10,3 milyard dollar dəyər qazandırıb. Vəsaitin bir hissəsi Texasda quşlar üzrə tədqiqat mərkəzinin tikintisinə sərf olunacaq.
Şirkət bundan əvvəl nəsli kəsilmiş qurd növlərindən birini yenidən həyata qaytarıb. Bunun üçün həmin qurdların daşlaşmış qalıqlarından nümunələr götürülüb, həmçinin müasir bozqurdların genlərindən istifadə edilib. Nəticə müasir qurdlardan 20-25 faiz böyük canlının ortaya çıxması olub. Ancaq bu layihə mübahisə yaradıb, opponentləri nəticələrlə razılaşmayıblar.
