Afrika və Asiyadan köç edən 302 quş növünə ev sahibliyi edən Samandağ sahilində görünən iki Fələstin nektar quşu kameralar tərəfindən lentə alınıb.
Sherg.az xəbər verir ki, Fələstində, Qərbi Ərəbistanda və Mərkəzi Afrikada oturaq həyat tərzi keçirən quş Türkiyədə qeydə alınan 499-cu quş növüdür.
Çox aktiv quşun Türkiyədə ilk dəfə göründüyünü bildirən quş müşahidəçisi Öndər Kahraman, "Əvvəlcə quşu gördüm, amma şəkil çəkə bilmədim. Uzun və səbirli təqiblərdən sonra fotoşəkilini çəkə bildik. Türkiyədə yeni bir quş növü kəşf etdiyimiz üçün çox xoşbəxtik" deyə bildirib.
Quş müşahidəçisi Metin Cenkçiler də quşu görəndə inana bilmədiyini, şəklini çəkəndə isə bunun Fələstin nektar quşu olduğuna əmin olduğunu və çox sevindiyini bildirib. Quş müşahidəçisi Çağan Abbasoğlu, "Fələstin nektar quşu normal olaraq Fələstində, Qərbi Ərəbistanda və Mərkəzi Afrikada yaşayan bir növdür. Quş nektar və böcəklərlə qidalanır. Kol və ağaclarda görünür. Dostlarımın xəbərindən sonra bölgəyə gəldik və çəkiliş apardıq" deyə danışıb.
Quşun qorunma altına alınmasının lazım olduğunu bildirən quş müşahidəçisi Emin Yoğurçuoğlu isə Fələstində oturaq həyat tərzi keçirən Fələstin nektarının bölgədəki müharibə nəticəsində yaşayış yerinin məhv olmasından sonra Türkiyəyə gəldiyini söyləyib.
