İstanbulda yaşayan ailə 3 il əvvəl dünyasını dəyişən babalarının evin otaqlarının birində polad konstruksiyadan istifadə etməsi hesabına zəlzələdən “burunları qanamadan” xilas olublar.
“Sherg.az” “Milliyet.com.tr“yə istinadən bildirir ki, polad dirəklərlə bərkidilmiş yaşayış sahəsi sayəsində ailə üzvləri zəlzələ zamanı özlərini təhlükəsiz hiss edib. 1999-cu ildə Gölcükdə baş verən zəlzələdən zərər çəkən rizəli dülgər Cevat Karyağış otağındakı çarpayıya polad konstruksiya profilləri qoyaraq zəlzələ üçün sığınacaq yaradıb. Övladlarına və nəvələrinə zəlzələ təhlükəsi zamanı bu ərazidən istifadə etməyi tövsiyə edən Karyagiş 3 il əvvəl dünyasını dəyişib.
İstanbulda zəlzələ zamanı bu sığınacaq sayəsində özlərini təhlükəsiz hiss edən ailə üzvləri də bu ərazini babalarından miras kimi diqqətlə qoruyurlar. Cevat Karyağışın nəvəsi Furkan Turan sosial şəbəkədə babasının ölümündən əvvəl tikdirdiyi bu ərazini tanıtdıran video yayımlayıb. İstanbulda baş verən zəlzələlərə diqqət çəkən Turanın "babamın uydurması" olduğunu dediyi paylaşılan şəkli çoxlarının marağına səbəb olub. Turan açıqlamasında, "Babam o vaxt zəlzələdən çox təsirləndi. Ailəsini qorumaq üçün bu ərazini evin içərisində düzəldib, zəlzələ olarsa, bura daxil olun, deyib. Bizi həmişə xəbərdar edirdi. Onun ölümündən sonra bu otaq bizim ailəmiz üçün etimad simvoluna çevrildi”, deyib. Cevat Karyağışın həyat yoldaşı Zəhra Karyağış "Uşaqları qorumaq üçün belə etdi. "Zəlzələ olsa, hamımız birlikdə bura girəcəyik", deyərdi. Həmişə orada yatardı. Qapı ilişib açılmaz deyə, yatanda qapını həmişə açıq qoyardı”, söyləyib. Karyagişin gəlini Əminə Turan, "Hər hissəni öz əli ilə tikdirmişdi. İndi zəlzələ olanda hamımız ora qaçırıq. Oraya da azuqəmizi qoyuruq. Allah yaşatmasın, amma babamızın sayəsində özümüzü təhlükəsiz hiss edirik" deyib. Ailənin digər üzvləri də bu tikilinin təkcə ehtiyat tədbiri deyil, həm də babalarından qalan dəyərli miras olduğunu bildiriblər.
