Qardələn qışın ən sərt günlərində torpağın donmuş səthini yararaq çiçək açan, dözümlülüyün və ümidin rəmzi sayılan nadir bitkilərdəndir.
Sherg.az xəbər verir ki, ağ və zərif görünüşünə baxmayaraq, bu çiçək təbiətin gücünü və davamlılığını simvolizə edir.
Bu il qardələnlərin ilk cəmrənin - fevralın 20-də havaya düşməsinə təxminən üç həftə qalmış çiçəkləməsi iqlim şəraitindəki dəyişikliklərin göstəricisi kimi dəyərləndirilir.
Elmi adı Galanthus olan qardələn Amaryllidaceae fəsiləsinə aid çoxillik, soğanaqlı bitkidir. Dünyada 20-dən çox növü mövcuddur və Türkiyə bu növlərin əsas yayılma ərazilərindən biri hesab olunur.
Mütəxəssislər bildirirlər ki, qardələnlərin nəzarətsiz şəkildə təbiətdən qoparılması bioloji müxtəlifliyə ciddi zərər vurur. Qoruma altında olan qardələnləri qoparmağın cəriməsi 2026-cı ildən etibarən 699 min 245 lirə müəyyən edilib.
Vətəndaşlara çağırış olunur: qardələnləri qoparmayın, satın almayın və təbiətdə gördükdə yalnız şəkil çəkin.
