“Hakimiyyət Moldova ssenarisini Ermənistanda təkrarlamağa cəhd edə bilər, amma bu cür hərəkətlər və səslərin saxtalaşdırılması qaçılmaz olaraq inqilaba gətirib çıxaracaq”.
Teleqraf xəbər verir ki, bunu Ermənistanın keçmiş prezidenti Robert Köçəryan mətbuat konfransı zamanı deyib.
“Şübhə etmirəm ki, hakimiyyət Moldova nümunəsini Ermənistana tətbiq etməyə çalışacaq. Geosiyasi maraqlar toqquşanda demokratiya unudulur - bu, faktdır. (Hakim) “Vətəndaş Müqaviləsi” Partiyası başa düşməlidir ki, seçkilər zamanı səslərin oğurlanması və ya hakimiyyətin Moldovada edilənləri etməyə hər hansı cəhdi inqilaba gətirib çıxaracaq”, - Köçəryan qeyd edib.
Xatırladaq ki, Ermənistanda növbəti parlament seçkiləri 2026-cı il iyun ayında keçiriləcək.
