26 il əvvəl Şilidən yola çıxaraq evinə yalnız yeriyərək çatmağı qarşısına məqsəd qoyan ingilis səyyah Karl Bushby, İstanbula çatıb.
Sherg.az xəbər verir ki, ingilis səyyah Türkiyə hökumətindən aldığı xüsusi icazə ilə 15 İyul Şəhidlər Körpüsündən yeriyərək Asiyadan Avropaya keçib.
Bushby, bu gün səhər saat 10:30-da körpünün Anadolu tərəfindən yürüşə başladı və təxminən 10 dəqiqə ərzində Avropa tərəfinə çatdı. Onu Ulaştırma və Altyapı Bakanlığı, Karayolları Genel Müdürlüğü və polis əməkdaşları qarşıladı.
Səyyah verdiyi açıqlamada bunları deyib:
“Çox uzun və çətin bir yol gəldim. Bu nöqtəyə gəlmək asan olmadı. İnanılmaz həyəcanlıyam. Bu körpüdən çox az adam yeriyib. Türk xalqına minnətdaram, mənə çox yardım etdilər.”
Son üç ayda yollarda olduğunu deyən Bushby, hərəkəti pozduğu üçün üzr istədi:
“Çox şükür ki, heç kim ölmədi və mən də hələ sağam. Bu yolculuqda çox şey öyrəndim. Dünyanın necə gözəl olduğunu gördüm. İnsanlar bunu unutmamalıdır. 7/24 xəbərlərdə yalnız ölüm və dağıntıdan bəhs olunur, amma dünya əslində gözəl bir yerdir. Mən bir səyyah kimi dünyanın ən gözəl, insanlığın isə ən yaxşı tərəfini gördüm.”
Bushby, viza müddəti bitmək üzrə olduğu üçün təyyarə ilə Meksikaya dönəcək. Vizasını yenilədikdən sonra isə yenidən eyni nöqtədən yoluna davam edəcək.
