İstanbulda baş verə biləcək güclü zəlzələ ilə bağlı qorxulu ssenari gündəmdədir.
Milli.az türk mediasına istinadla xəbər verir ki, TBMM Kartalkaya Otelində keçirilən Yanğın Təhqiqat Komissiyasının son iclasında mütəxəssislər, İstanbulda gözlənilən 7 bal və daha yüksək zəlzələnin eyni anda 500 təbii qaz xidmət qutusunda yanğın başlatma riski daşıdığını açıqlayıblar.
İstanbul Universitetinin akademikləri Dr. Ali Derdar Gültek və Dr. Uğur Emre Temelli millət vəkillərinə təqdim etdikləri hesabatda, xüsusilə tarixi binalar və sənaye zonalarının yüksək risk daşıdığına diqqət çəkiblər.
Dr. Gültek bildirib ki, "Təbii fəlakətlər bir-birini tetikleyə bilər. 500 qaz qutusunda eyni vaxtda yanğın çıxma ehtimalı real təhlükədir. Bu vəziyyətə qarşı təcili tədbirlər görülməlidir."
Mütəxəssislər milli yanğın məlumat sisteminin yaradılması, yanğın təhlükəsizliyi qaydalarının yenilənməsi, iş yerləri və yaşayış məkanlarının ayrılması, eləcə də Yanğın Təhlükəsizliyi Koordinasiya Mərkəzi və Milli Yanğın Laboratoriyasının qurulması üçün təcili addımlar atılmasını təklif ediblər.
