ABŞ-nin Kanzas ştatında qorxu filmini xatırladan hadisə baş verib.
“Sherg.az” “Milliyet.com.tr”yə istinadən bildirir ki, baxıcının himayəsində qalan bir uşaq “çarpayımın altında canavar yatıb” deyə qışqıraraq baxıcını köməyə çağırıb. Səsə otağa daxil olan baxıcı uşağın nişan verməsindən sonra əyilərək çarpayının altına tərəf əyilib. Və gördüyündən şoka düşüb. Qadın çarpayının altında yad bir kişiniin gizləndiyini görüb. Uşağın çarpayısının altında bir kişi uzanıbmış. Bunu görən qadın özünü itirməyib və dərhal polisə zəng vurub. Bu ərəfədə çarpayının altında gizlənmiş kişi otaqdan çıxaraq qaçıb. Hadisə Kanzas ştatının Great Bend şəhərinin kənarında baş verib. Hadisə yerinə gələn polis əməkdaşları vəziyyətlə bağlı açıqlama veriblər. "Dayə ilə əlbəyaxa dava olub və dava zamanı uşaq yıxılıb. Daha sonra polis əməkdaşları gələnə qədər şübhəli hadisə yerindən qaçıb", - məlumatda deyilir. Şübhəlinin əvvəllər həmin mülkdə yaşamış, lakin ona qarşı evdən uzaqlaşmaq qərarı olan kişi olduğu müəyyən edilib. Qısa təqibdən sonra ertəsi gün polis əməkdaşları tərəfindən tutulub.
