Kamil şəhid ailəsini ziyarət edib
Tanınmış məşqçi Kamil Zeynallı istər koronavirus dövründə, istərsə də sərhəddə ciddi döyüşlər gedən günlərdə xeyirxah əməlləri ilə xalqın rəğbətini qazandı. Biz onu gah ehtiyacı olan ailələrə yardım aparanda, gah da əsgərlərimizə dəstək üçün cəbhə bölgəsinə yollananda gördük. Vətəninə bağlı olan idmançı bu dəfə də şəhid ailəsini ziyarət edib.
O, Tovuz döyüşləri zamanı qəhrəmancasına şəhid olan Azərbaycan ordusunun hərbi qulluqcusu 1996-cı il təvəllüdlü Elşad Məmmədovun evində qonaq olub.
Sherg.az xəbər verir ki, K.Zeynallı şəhidin oğlu və atası ilə şəklini paylaşaraq bu sözləri yazıb:
"Şəhidimiz Elşad Məmmədovun 7 aylıq övladı Məhəmməd və atası Dönməz kişi. Allah bizə səbr verməsin. İnşallah, şəhidlərimizin qanı yerdə qalmasın. Səbr versə, hələ çox gözləyəcəyik".
