Azərbaycan Dövlət İqtisad Universitetinin (UNEC) Beynəlxalq Magistratura və Doktorantura Mərkəzi və Türk Dünyası İqtisad Fakültəsinin birgə təşkilatçılığı ilə Azərbaycanda Milli Mətbuatın yaranmasının 145 illiyinə həsr edilmiş “Azərbaycan milli mətbuatı - XIX-XX əsrlər” mövzusunda video-konfrans keçirilmişdir.
KİVDF-dən "Sherg.az"a verilən xəbərə görə, konfransın moderatoru UNEC-in “Azərbaycan dili” kafedrasının müdiri, Respublikanın Əməkdar Mədəniyyət işçisi, professor Tofiq Əbdülhəsənli çıxışı bildirdi ki, bu tarixi günlərdə Ali Baş Komandanımız İlham Əliyevin rəhbərliyi ilə müzəffər ordumuzun zəfəri xalqımızı qürurlandırdı,cəbhədə qazanılan uğurlar, informasiya müharibəsində əldə edilən nəaliyyətlər hər kəsi sevindirdi.Xüsusi olaraq vurğulandı ki, Azərbaycan Respublikasının Prezidenti, Ali Baş Komandan cənab İlham Əliyev xarici KİV-lərə verdiyi müsahibələrdə Prezident İlham Əliyev yüksək intellekt, məlumatlılıq, natiqlik bacarığı, diplomatik məharət nümayiş etdirdi.
Tədbirdə çıxış edən Azərbaycan Yazıçılar Birliyinin katibi, “525-ci qəzet”in baş redaktoru Rəşad Məcid müstəqillik illərində Azərbaycan mətbuatına göstərilən dövlət qayğısından danışdı. Daha sonra çıxış edən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun mətbuat katibi İlkin Nadirov son aylar ərzində fondda həyata keçirilən tədbirlər barədə ətraflı məlumat verdi.
Beynəlxalq Magistratura və Doktorantura mərkəzinin direktor müavini, dosent Aytən Hüseynli, Türk Dünyası İqtisad Fakültəsinin “İqtisadiyyat və işlətmə” kafedrasının müdiri, dosent Oqtay Quliyev və Türk Dünyası İqtisad Fakültəsinin dekanı Yusif Əliyev Azərbaycan Milli Mətbuatınınmilli və bəşəri dəyərlərin təbliğatında müstəsna rolu barədə ərtaflı danışdılar.
Konfransdaəsas müzakirə mövzularından biri kimi 44 günlük Vətən müharibəsi dövründə jurnalistlərin cəsarətli, operativ və qərəzsiz məlumatları Azərbaycan xalqına çatdırmalarından da bəhs olundu.
