3+3 regional platformasının iclasının ilin sonuna kimi ya İrəvanda, ya da Bakıda keçirilməsi planlaşdırılır.
Teleqraf xəbər verir ki, bunu Rusiyanın Ermənistandakı səfiri Sergey Kopırkin bildirib.
“Hazırda Ermənistan və Azərbaycanla təmasdayıq, çünki prioritet məsələ var. Ermənistan və Azərbaycan tərəfləri belə bir görüşün keçirilməsinə hazırdırlar. Onlar prioritet qaydanı razılaşdırmalıdırlar və biz bunu hər cür dəstəkləyirik”, - Kopırkin qeyd edib.
Səfirin sözlərinə görə, bu platformanın bütün iştirakçıları hesab edirlər ki, bu, faydalı və nüfuzlu formatdır və region dövlətlərinin özləri regionun problemlərinin həllində mühüm rol oynamalıdırlar.
