Dünyanın pilotsuz uçuş aparatı ixracat bazarının lideri olan Baykar, keçən il 1,8 milyard dollarlıq ixracat həyata keçirib.
Trend TurkicWorld-a istinadən xəbər verir ki, bu barədə Baykarın verdiyi açıqlamada deyilir.
Açıqlamada, ötən ildə 1,8 milyard dollarlıq ixracatla Baykarın, keçən il gəlirlərinin 90 faizini ixracatdan əldə etdiyi bildirilib.
Baykar baş direktoru Haluk Bayraktar, X sosial şəbəkəsində etdiyi paylaşımda Türkiyənin texnoloji müstəqilliyinə töhfə vermək üçün təxminən 20 il əvvəl maneələrlə dolu bir səyahətə çıxdıqlarını vurğulayıb.
Qeyd edək ki, 2023-cü ildə sektorun ixracatının üçdə birini reallaşdıran Baykar, ötən ildə də müdafiə və aviasiya sektorunun ümumi ixracının dörddə birini reallaşdıraraq Türkiyəni qlobal İHA ixracat bazarında lider etdi.
