Atom Enerjisi üzrə Beynəlxalq Agentliyin (AEBA) müfəttişləri hazırda İranda yoxlamalar keçirirlər.
Teleqraf xəbər verir ki, bu sözləri İranın xarici işlər naziri Abbas Əraqçi BMT Təhlükəsizlik Şurasında Çin və Rusiyanın müəllifi olduğu və İrana qarşı sanksiyaların ləğvini nəzərdə tutan 2231 saylı qətnamənin uzadılması haqqında qətnamə layihəsi üzrə səsvermədən sonra çıxışı zamanı vurğulayıb.
“Əksinə, AEBA-nın müfəttişləri hazırda İranda lazımi yoxlamaları aparırlar”, - o, Fransa nümayəndəsinin İranla AEBA-nın arasında əməkdaşlığın qeyri-kafi səviyyəsi barədə bəyanatlarına cavab olaraq qeyd edib.
