“Bir daha bəyan edirəm ki, lazım gələrsə, canımız bahasına şəhidlər yurdu olan bu torpaqları qorumağa, yaşatmağa hazırıq. Türk milləti və Kipr türkləri olaraq bu torpaqlarda ev sahibiyik. Bunu bilməyənlər bilsin, eşitməyənlər eşitsin”.
Teleqraf xəbər verir ki, bu sözləri Türkiyə Prezidenti Rəcəb Tayyib Ərdoğan Şimali Kipr Respublikasında keçirilən “TECHNOFEST-2025”də deyib.
Türkiyə lideri bildirib: “PUA texnologiyasına malik ilk 3 ölkə arasındayıq. Bundan sonra da eyni əzm və həyəcanla işimizi davam etdirəcəyik. Şimali Kipri təhsil mərkəzinə çeviririk. Türkiyədə nə imkanlar varsa, burada da o cür olacaq”.
Ölkə başçısı “TEKNOFEST”i boykot etməyə çağıran qüvvələrin uğursuzuğa düçar olduqlarını da qabardıb: “Allaha şükür, Türkiyədə olduğu kimi burada da məyus oldular”.
