Ermənistan hakimiyyəti Türkiyənin 10 media orqanının nümayəndələri üçün media-turunun xərclərini açıqlayıb.
Axar.az xəbər verir ki, bu barədə Ermənistanın “İnformasiya Azadlığı Mərkəzi” ictimai təşkilatı məlumat yayıb.
Bildirilib ki, nəqliyyat, yaşayış və yemək xərclərinin ümumi dəyəri təxminən 18,8 min dollar təşkil edib:
“Bunun 5 min dollardan bir qədər çoxu Türkiyədən və geriyə uçuşa, 663 dolları Ermənistanın özündə nəqliyyat xərclərinə, 5,8 min dolları məskunlaşmaya, 4,5 min dolları qidaya, 2,5 min dolları isə otel zalı və ekspert müzakirəsinin təşkili üçün avadanlıqların icarəsinə xərclənib”.
