İran hakimiyyəti iyunun 25-dən ölkənin şərqindəki hava limanlarında fəaliyyətini bərpa edib.
Axar.az xəbər verir ki, bu barədə ölkənin Yol və Şəhərsalma Nazirliyinin rəsmi nümayəndəsi Məcid Əhvan məlumat verib.
"İran ölkənin şərq hissəsi üzərində səmanı daxili, beynəlxalq və tranzit uçuşlar üçün açıb", - dövlət televiziyası onun sözlərindən sitat gətirib.
Qeyd edək ki, İsrail iyunun 13-nə keçən gecə İrana qarşı hərbi əməliyyata başladıqdan sonra hava məkanı bağlanmışdı.
