Bu gün (18 mart) İranda qara bazarda 1 ABŞ dolları 1 milyon riala alqı-satqı olunub.
Bu barədə Trend İran KİV-ə istinadən xəbər verir.
Məlumata görə, ötən gün İranda 1 ABŞ dolları 939 min rial təşkil edib.
Hazırda ölkədə 1 avronun dəyəri 1,08 milyon rialdır. Ötən gün isə 1 avro 1,02 milyon rial təşkil edib.
Qeyd edək ki, ABŞ və qərb ölkələrinin İran əleyhinə iqtisadi sanksiyaları, inflyasiya və bir çox digər problemlər ölkədə iqtisadi vəziyyətin mürəkkəb olduğunu göstərir.
İran Mərkəzi Bankının elan etdiyi rəsmi məzənnəyə əsasən 1 ABŞ dolları 579 min rial, 1 avro isə 632 min rialdır.
