Bu gün İranın Sistan və Bəlucistan əyalətinin Zahidan-Nəhbəndan yolunda polis polkovniki Qulamrza Cəmşidi silahlı qarşıdurma zamanı öldürülüb.
Axar.az xəbər verir ki, bu haqda Bəluc Fəallarının Kampaniyası məlumat yayıb.
Məlumata görə, Lut çölü ərazisində pusqu quran naməlum silahlılar polis avtomobilinə hücum edərək, polkoviniki güllələyiblər.
Rəsmi məlumatda isə Qulamrza Cəmşidinin narkotik qaçaqmalçılarına qarşı keçirilən əməliyyat zamanı öldürüldüyü bildirib.
