Rəsmi Tehran müttəfiqi olan “Hizbullah” hərəkatının qərarlarını dəstəkləyir.
Teleqraf xəbər verir ki, bu bəyanatla İranın xarici işlər naziri Abbas Əraqçi hərəkatın Livan hökumətinin silahsızlaşdırma planını rədd etməsindən sonra çıxış edib.
"Bu məsələ ilə bağlı hər hansı qərar son nəticədə "Hizbullah”ın özünə aid olacaq. Biz hərəkatı uzaqdan dəstəkləyirik, lakin onun qərarlarına müdaxilə etmirik", - Əraqçi müsahibəsində bildirib.
O əlavə edib ki, hərəkat ötən il İsrailə qarşı apardığı müharibədən sonra özünü yenidən qurmağa nail olub.
