İstanbulda baş verən zəlzələ nəticəsində zərər görən binaların sayı 3 minə yaxınlaşıb.
Axar.az xəbər verir ki, bu barədə Türkiyənin şəhərsalma və ətraf mühit naziri Murat Kurum məlumat verib.
“Biz 25 017 binanı yoxladıq, onlardan 2 928-i cüzi ziyan görüb, qalanları zədələnməyib”, - nazir yazıb.
Kurum əlavə edib ki, hazırda zərərin qiymətləndirilməsi davam edir.
Xatırladaq ki, aprelin 23-də İstanbulda ardıcıl zəlzələ baş verib. Ən güclüsü 6,2 bal olub.
