Rusiyanın xarici işlər naziri Sergey Lavrovun bir müddətdir görünmür.
Sherg.az Globalinfo.az-a istinadən xəbər verir ki, xarici KİV-də Lavrovun bir müddətdir iclaslarda iştirak etmədiyi, media qarşısına çıxmadığı və açıqlamalar vermədiyi yazılıb.
“Kommersant” nəşrinin yazdığına görə, dünən keçirilən müşavirədə Putin nüvə sınaqları ilə hədələyərkən, Lavrov iclasda iştirak etməyib.
Qəzet bu vəziyyəti “nazirin razılaşdırılmış şəkildə iştirak etməməsi” kimi yumşaq şəkildə təqdim edib.
Demək olar ki, eyni ərəfədə Lavrov “Böyük 20-lik” (G20) sammitində Rusiya nümayəndə heyətinin rəhbəri statusunu da itirib. Bundan əlavə, Sergey Lavrov artıq bir müddətdir informasiya gündəmindən kənarda qalıb — onun son ictimai çıxışı oktyabrın sonunda olub.
Əvvəllər bildirilib ki, Rusiya rəhbərliyi Budapeştdə Putin və Tramp arasında baş tutmayan danışıqlara görə günahkar axtarır və əsas məsul şəxs kimi məhz Sergey Lavrov göstərilib.
