ABŞ Prezidenti Donald Trampın Qəzza planı hazırda masada olanların ən yaxşısıdır.
Teleqraf xəbər verir ki, bunu Rusiyanın xarici işlər naziri Sergey Lavrov bildirib.
Lavrov qeyd edib ki, Trampın planında yalnız Qəzza zolağından bəhs olunur. İordan çayının qərb sahilinin aqibətinə isə aydınlıq gətirilməyib.
Oktyabrın 3-də HƏMAS rəhbərliyi ABŞ prezidentinin təklif etdiyi, bütün israilli girovların azad edilməsini nəzərdə tutan planın şərtlərinə əməl etməyə hazır olduğunu bəyan edib. Buna cavab olaraq Tramp İsraili məhbusların təhlükəsiz azad edilməsini təmin etmək üçün Qəzza zolağına hücumları dərhal dayandırmağa çağırıb.
