"Ukrayna rəhbərliyi Rusiya ilə danışıqlara başlamaq istəmir və Moskvanın təkliflərinə cavab vermir".
Teleqraf xəbər verir ki, bu burədə Rusiya prezidentinin mətbuat katibi Dmitri Peskov jurnalistlərə açıqlamasında bildirib.
"Kiyev rejimi dialoqa girməkdən imtina edir, Rusiya tərəfindən təklif olunan üç işçi qrupunun yaradılmasına razılıq vermir və təqdim etdiyimiz sənəd layihələrinə heç bir reaksiya göstərmir", - o deyib.
Kremlin sözçüsü əlavə edib ki, Kiyev mühüm enerji infrastrukturlarına qarşı hücumlar həyata keçirməyə davam edir və Avropa ölkələrinin təxribatlarına uyararaq münaqişəni uzatmağa çalışır.
Dmitri Peskov vurğulayıb ki, əgər Rusiya-Ukrayna münaqişəsinin həlli siyasi və diplomatik yolla mümkün olarsa, Moskva bu istiqamətdə addımlar atmağa hazırdır.
