Rusiya Prezidenti Vladimir Putin gələn həftə genişmiqyaslı çıxış edəcək.
Teleqraf xəbər verir ki, bu barədə dövlət başçısının mətbuat katibi Dmitri Peskov deyib.
Onun sözlərinə görə, çıxışın formatı, vaxtı və məkanı barədə əlavə məlumat yaxın günlərdə açıqlanacaq:
“Gələn həftə prezidentin kifayət qədər böyük çıxışı olacaq. Biz dəqiq olaraq hansı tədbir olacağını, harada və nə vaxt keçiriləcəyini bildirəcəyik. Amma maraqlı həftə olacaq”, – Peskov vurğulayıb.
Mətbuat katibi əlavə edib ki, qarşıdakı günlərdə Vladimir Putinin Kremlində çoxsaylı işgüzar görüşləri planlaşdırılıb. Bundan əlavə, prezidentin beynəlxalq təmasları da nəzərdə tutulur.
