Türkiyə Prezidenti Rəcəb Tayyib Ərdoğanı təhqir etmək və silahlı terror təşkilatına üzv olmaq ittihamları ilə İstanbulda saxlanılmış isveçli jurnalist Kaj Joakim Medin azad edilib.
Teleqraf xarici mətbuata istinadən xəbər verir ki, bu barədə İsveçin Baş naziri Ulf Kristersson bildirib.
Kristersson bu məsələnin həll edilməsinə görə, İsveç Xarici İşlər Nazirliyinin əməkdaşlarına və Avropadakı həmkarlarına təşəkkür edib.
Joakim Medin artıq İsveçə yola düşüb.
Xatırladaq ki, İsveçin “Ete” qəzetinin müxbiri olan Medin Stokholmda Türkiyə Prezidentinə qarşı təşkil olunan etiraz aksiyasını sosial şəbəkələrdə və mətbuatda yayıb. Bundan başqa, Medinin Türkiyədə qadağan edilmiş "Kürdüstan Fəhlə Partiyası" (PKK) ilə mətbuat arasında əlaqəni təmin etdiyi barədə xəbərlər yayılmışdı.
