“Bütün ermənilərin katolikosu II Qareginin iki qadından övladları var, kimsə etiraz etsə, adlarını açıqlayacağam”.
Teleqraf xəbər verir ki, bunu erməni din adamı, II Qareginin keçmiş köməkçisi Xoren Ovannisyan deyib.
“Bu adam bioloji uşaqlarına belə atalıq etmir, bu, biabırçılıqdır. İddia edirəm ki, onun iki qadından övladları var. Əgər kimsə mənə etiraz etsə, adlarını açıqlayacağam, onları tanıyıram”, - Ovannisyan bildirib.
Xatırladaq ki, bundan əvvəl Ermənistan Baş naziri Nikol Paşinyan bütün ermənilərin katolikosu II Qaregini subaylıq andını pozmaqda ittiham edib.
Paşinyanın sözlərinə görə, subaylıq andını pozaraq övlad sahibi olan Qaregin artıq Erməni Apostol Kilsəsinin rəhbəri ola bilməz. Həmçinin o, katolikosu Ermənistan dövlətinin maraqlarına qarşı fəaliyyətlərdə günahlandırıb.
Ermənistan hökumətinin başçısı Erməni Apostol Kilsəsinə yeni katolikosun seçilməsi üçün seçkilərə və bu məqsədlə koordinasiya şurasının yaradılmasına çağırıb.
Ermənistan KİV-in məlumatına görə, II Qareginin Xatun Qriqoryants adlı qızı var.
