Türkiyə Prezidenti Rəcəb Tayyib Ərdoğan Balıkesir vilayətində baş verən güclü zəlzələ ilə əlaqədar vəziyyətin nəzarətə götürüldüyünü bildirib.
Trend xəbər verir ki, dövlət başçısı bu barədə "X" sosial şəbəkəsində paylaşım edib.
“AFAD başda olmaqla, aidiyyəti qurumlarımız ərazidə araşdırma və nəzarət işlərini diqqətlə davam etdirirlər. Biz də prosesi yaxından izləyirik”, – deyə Ərdoğan qeyd edib.
Qeyd edək ki, dünən yerli vaxtla saat 22:48-də Balıkesir vilayətində 6,1 maqnitudalı zəlzələ baş verib.
