ABŞ-də yeni doğulmuş körpəsini itirən qatil balina balasının cansız bədənini günlərlə belində gəzdirib. Tahlequa adlı balina 2018-ci ildə də ölən balasını 17 gün ərzində kürəyində 1600 kilometr aparıb.
Sherg.az xəbər verir ki, ABŞ-də yeni doğulmuş balasını itirən qatil balina, illər əvvəl olduğu kimi, təkrar ölən balasının yasını tutarkən görüntülənib.
Nəsli kəsilməkdə olan Tahlequa adlı balina 2018-ci ildə də itirdiyi yeni doğulmuş balinasından 17 gün ayrıla bilməmiş və onu 1600 kilometr kürəyində daşıyıb.
Tahlequanın bu davranışı elm adamlarının diqqətini çəkib. Bu, qatil balinaların da kədərləndiyinin göstəricisi hesab olunur.
Yeni doğulmuş balinalar arasında ölüm çox yaygın olsa da, dünyaya gələn hər 5 qatil balinadan yalnız biri sağ qalır.
Vaşinqton ətrafında yaşayan və yalnız balıqla qidalanan Şimal-Qərb Sakit Okean Qatil balinalarından cəmi 73 ədəd sağ qalıb.
Balıq qıtlığı, ətraf mühitin çirklənməsi və dəniz nəqliyyatı səbəbindən bu canlıların nəsli kəsilmək təhlükəsi qarşısındadır.
