Bakıda keçirilən 3-cü Beynəlxalq Statistika Forumunda Azərbaycanın Baş naziri Əli Əsədov Prezident İlham Əliyevin forum iştirakçılarına ünvanladığı müraciəti oxuyub.
Sherg.az xəbər verir ki, müraciətdə Ümumdünya Statistika Günü ərəfəsində təşkil olunan bu tədbirin ölkənin beynəlxalq imicinin möhkəmlənməsi, statistika sahəsində qarşılıqlı əlaqələrin inkişafı, ikitərəfli və çoxtərəfli əməkdaşlığın genişlənməsi baxımından mühüm əhəmiyyət daşıdığı vurğulanıb.
Prezident forumun Azərbaycanın sosial-iqtisadi, mədəni və siyasi sahələrdə əldə etdiyi nailiyyətlərin nümayişi üçün vacib platforma olduğunu qeyd edib.
