Sherg.az icmalı təqdim edir:

https://www.instagram.com/presidentaz/?utm_source=ig_embed&ig_rid=Afc1VLGhF6tyz1bp77mTrrN

Teleqraf-ın yerli bürosu xəbər verir ki, hadisə şəhərin Sülh prospektində qeydə alınıb.

Hərəkətdə olan Fiat, Chevrolet, Hyundai, Mercedes markalı minik avtomobilləri və Ford markalı yük avtomobili bir-biri ilə toqquşub.

Nəticədə avtomobillərə ciddi maddi ziyan dəyib.

Qəzanın hansı səbəbdən baş verdiyi araşdırılır.

APA xəbər verir ki, Tramp bu barədə “New York Post” qəzetinə müsahibəsində danışıb.

O, ABŞ Konstitusiyasına 22-ci düzəlişin prezidentin iki dəfədən artıq vəzifədə olmasını qadağan etdiyini xatırladıb.

Tramp prezidentlik müddətinin başa çatmasına hələ iki il qaldığını və bu müddətdə çox iş görə biləcəyini deyib.

Qeyd edək ki, Tramp 2024-cü ilin noyabrında keçirilən seçkilərdə qalib gələrək ikinci dəfə prezident seçilib. Onun hazırkı səlahiyyət müddəti 2029-cu ilin yanvarında başa çatmalıdır.

Sherg.az xəbər verir ki, Ərdəstani İran mətbuatına açıqlamasında mövcud şəraitdə danışıqların yeganə çıxış yolu olduğunu və bütün müharibələrin danışıqlar yolu ilə başa çatmalı olduğunu vurğulayıb.

“Biz nə müharibə, nə də danışıqlar vəziyyətində qalmağa son qoymalıyıq”, - deyə o, İranla ABŞ arasında Türkiyə və ya Qətərdə birbaşa danışıqların keçirilməsi ehtimalına toxunub.

Ərdəstani İranda zaman-zaman müzakirə olunan Nüvə Silahlarının Yayılmaması haqqında Müqavilədən (NPT) çıxmaq məsələsinə də münasibət bildirib. O qeyd edib ki, belə bir addım beynəlxalq arenada İranın nüvə silahı istehsalına yönəldiyi barədə təsəvvür yaradır.

“Danışıqlar davam edir, lakin hələlik konkret nəticə əldə etməmişik”

İranın xarici işlər naziri Abbas Əraqçi isə Hörmüz boğazı ilə bağlı ikigünlük plan üzrə Qətər vasitəçiləri ilə aparılan müzakirələrin davam etdiyini, lakin hələlik konkret nəticəyə nail olunmadığını bildirib.

İranın rəsmi IRNA agentliyinin məlumatına görə, Əraqçi parlamentin Milli Təhlükəsizlik və Xarici Siyasət Komissiyasının iclasından sonra Tehrandan Qətərə göndərilən nümayəndə heyətinin səfərini şərh edib.

“Danışıqlar davam edir, lakin hələlik konkret nəticəyə nail ola bilməmişik. Çünki nəticə əldə olunması qarşı tərəfin suallarımıza verəcəyi cavablardan asılıdır”, -deyə nazir bildirib.

Səfərin xarici işlər nazirinin müavini səviyyəsində həyata keçirildiyini bildirən Əraqçi məqsədin son həftələr Tehranda təmaslar aparan qətərli vasitəçilərlə məsləhətləşmələri davam etdirmək olduğunu qeyd edib.

Əraqçi səfər çərçivəsində ABŞ tərəfi ilə danışıqların planlaşdırılmadığını xüsusi vurğulayıb. O, ikigünlük planla bağlı müzakirələrin vasitəçilərlə davam etdiyini bildirib.

Diplomatik səyləri davam etdirdiklərini deyən nazir qarşı tərəfin də rasional davranaraq diplomatiyaya digər yollarla müqayisədə üstünlük verəcəyinə ümid etdiklərini söyləyib.

İranın bütün ssenarilərə hazır olduğunu bildirən Əraqçi ölkə lideri Müctəba Xameneinin yüksək rütbəli hərbi komandanlara verdiyi göstərişlərin İranın iradəsini açıq şəkildə nümayiş etdirdiyini qeyd edib.

İran Silahlı Qüvvələrinin qarşısında duran vəzifələrin aydın olduğunu vurğulayan nazir əvvəlki iki müharibədən əldə edilən təcrübə sayəsində ordunun əvvəlkindən daha güclü olduğunu iddia edib.

Əraqçi İranın həm müdafiəyə, həm də diplomatiyaya hazır olduğunu bildirərək, ABŞ-ın hansı yolu seçəcəyinin onun rasional yanaşmasından asılı olduğunu diqqətə çatdırıb.

APA xəbər verir ki, Heydər Əliyev Fondunun vitse-prezidenti Leyla Əliyeva, Bakı Media Mərkəzinin rəhbəri Arzu Əliyeva və Alyona Əliyeva tədbirdə iştirak ediblər.

“Qədim daş, müasir yaddaş” layihəsi Qobustanın qədim qayaüstü təsvirlərindən ilhamlanaraq ərsəyə gətirilib. Heykəltəraşlıq nümunələrində Qafqaz bəbiri, ceyran, boz canavar, qonur ayı və şah qartalı təsvir olunub. “Məsuliyyət radiusu” adlı layihədə isə insanın vəhşi təbiətə münasibəti interaktiv formada təqdim edilib.

Teleqraf xəbər verir ki, hadisə paytaxtın Nərimanov rayonu ərazisindəki Dədə Qorqud parkında qeydə alınıb.

Ərazidə təxminən 35-40 yaşlı kişi meyiti aşkarlanıb.

Faktla bağlı araşdırma aparılır.

Teleqraf xəbər verir ki, bu barədə ABŞ Dövlət Departamentinin “X” sosial şəbəkəsində yaydığı bəyanatda bildirilib.

Dövlət Departamentinin məlumatına görə, G20-yə üzv ölkələrin xarici işlər nazirlərinin Atlantada keçirilən görüşündə ABŞ dövlət katibi Marko Rubio iştirakçıları qurumun əsas missiyasına – iqtisadi artımın təmin edilməsinə və iqtisadi təhlükəsizliyin gücləndirilməsinə yönəldib.

Qurumdan bildirilib ki, ABŞ dekabrda Mayamidə keçiriləcək G20 liderlərinin sammitində də tərəfdaşları ilə bu istiqamətdə əməkdaşlıqda aparıcı rol oynamağa davam edəcək.

Qeyd edək ki, ABŞ 2026-cı ildə G20-yə sədrlik edir. Ölkədə təşkilat çərçivəsində keçirilən tədbirlərin yekunu olaraq dekabrın 14-15-də Mayami yaxınlığında liderlərin sammiti baş tutacaq.

Haradasa üç il əvvəl idi... Adını dəfələrlə eşitdiyim, haqqında çox danışılan, amma hələ görmədiyim bir yerə gedirdim. İti addımlarla qarşımızda irəliləyən müəllimimiz yolboyu tələbəlik illərinin böyük bir hissəsinin məhz burada keçdiyini danışırdı. Onun söhbətlərindən hiss olunurdu ki, həmin məkanın yaddaşında xüsusi yeri var. Biz isə maraq və bir qədər də həyəcanla onu dinləyirdik.

Nəhayət, üzərində "Azərbaycan Nəşriyyatı" yazılan binanın qarşısında dayandıq. Deməli, "Şərq" burada yerləşirmiş...

İçəri daxil olanda özümü sanki bir redaksiyada deyil, Azərbaycan mətbuatının tarixinə açılan qapının astanasında hiss etdim. Hər tərəfdə mətbuat fədailərinin fotoları, onların xatirəsini yaşadan əşyalar, müxtəlif dövrlərə aid arxiv materialları... Elə bil keçmişlə bu gün eyni məkanda görüşmüşdü. Hər eksponatın, hər şəklin arxasında ayrıca bir tarix, bir ömür, bir mübarizə dayanırdı.

Bizi baş redaktor Akif Aşırlı qarşıladı. Müəllimimiz gəlməzdən əvvəl dönə-dönə tapşırmışdı: "Nəbadə, onun yanında səhv bir söz deyəsiniz. Zəhmli adamdır, özü də mətbuatı çox yaxşı bilir".

Mən də özümə söz vermişdim ki, sakit dayanacağam, çox danışmayacağam. Amma Akif müəllim mətbuat tarixindən, Həsən bəy Zərdabidən, "Əkinçi"dən danışmağa başlayanda söhbətə qoşulmaq istədim. Elə bu həvəslə də bir söz demək istədim, ancaq çaşıb Zərdabi əvəzinə Axundov dedim. Bir də gördüm ki, müəllimim qapının arxasından mənə "səhv danışırsan" deyən baxışlarla baxır. O an ürəyimdə şükür etdim ki, nə yaxşı, Akif müəllim eşitmədi.

Amma etiraf edim ki, Akif müəllimin ilk təəssüratımda yaratdığı o "zəhmli adam" obrazı çox keçmədən dağıldı. Çünki o, bizə o qədər səmimi münasibət göstərir, həvəslə danışır, kitablar hədiyyə edir, mətbuat tarixindən elə maraqla söz açırdı ki, qarşımda zəhmli bir insan deyil, öz işinə, peşəsinə və tarixə böyük sevgi ilə bağlı olan birini görürdüm.

Sonra bizi kollektivlə tanış etdi: Yusif müəllim, Fazilə xanım, Məlahət xanım, İsmayıl bəy, Şəymən xanım, Nihat, Elmar, Fidan, Şahanə... Hər kəs qəzetçilikdən danışır, gördüyü işi izah edir, öz təcrübəsini bizimlə bölüşürdü. Həmin gün bəlkə də sadəcə bir redaksiya ilə tanış olduğumu düşünürdüm. Amma bu tanışlıq illər sonra mənim üçün böyük bir ailənin başlanğıcına çevriləcəkdi.

Bir neçə ay sonra həmin redaksiyada çalışan tələbə yoldaşımla birlikdə mən də "Şərq"in YouTube kanalında fəaliyyətə başladım. Neçə-neçə süjet və reportaj hazırladıq... Peşəkar fəaliyyətimin bir çox "ilk"i məhz burada yaşandı. İlk maaşımı "Şərq"dən aldım. İlk xarici müsahibimlə "Şərq"də danışdım. İlk müsahibəmi də bizi bu redaksiya ilə tanış edən müəllimimin köməyi ilə hazırlayıb "Şərq" qəzetində dərc etdirdim.

Beləcə, bir vaxtlar qapısından ehtiyatla içəri girdiyim redaksiya gündəlik həyatımın, xatirələrimin və peşəkar yolumun ayrılmaz hissəsinə çevrildi.

Bu hadisələrdən artıq üç ilə yaxın vaxt keçir. Kiminə görə az, kiminə görə kifayət qədər uzun müddətdir. Mənim üçün isə çox şey öyrəndiyim, dəyişdiyim, bəzən səhv etdiyim, bəzən sevindiyim, bəzən də çətinliklərdən keçdiyim bir zaman kəsiyidir.

Bu müddətdə çox şey dəyişdi. "Şərq" artıq Azərbaycan Nəşriyyatının binasında deyil, Beynəlxalq Mətbuat Mərkəzində fəaliyyət göstərir. Bir vaxtlar eyni redaksiyada çiyin-çiyinə çalışdığımız həmkarlarımızın bəziləri başqa mətbu və media orqanlarında öz yollarına davam edirlər. Redaksiyanın divarları, iş şəraiti, gündəlik qayğıları, kollektivin tərkibi də dəyişib. Amma dəyişməyən bir şey var: "Şərq"ə olan inam və "Şərq"in bizə olan inamı.

İndi əvvəlki kimi böyük bir yemək süfrəsinin ətrafına toplaşmasaq da, bir-birimizə olan hörmətimiz, sevgimiz, bağlılığımız və gələcəyə inamımız əvvəlkindən də qat-qat böyükdür.

Bir də Akif müəllimin təsis etdiyi, "Şərq"lə sanki birgə addımlayan Mətbuat Muzeyi var. Onun haqqında danışmadan bu xatirələri tamamlamaq mümkün deyil. Hər dəfə muzey haqqında düşünəndə sevinirəm ki, Azərbaycan mətbuatının yaddaşı belə bir məkanda qorunur. Çünki mətbuat yalnız bu gün yazılan xəbərlərdən, dərc olunan məqalələrdən ibarət deyil. Onun arxasında böyük bir tarix, zəhmət, mübarizə və fədakarlıq dayanır. Bu tarix yaşadılmalıdır ki, gələcək nəsillər Azərbaycan mətbuatının necə yarandığını, jurnalistlər isə kimlərin davamçıları olduqlarını bilsinlər. Məncə, Mətbuat Muzeyinin ən böyük dəyəri də elə budur.

Bu illər ərzində "Şərq"in 28 yaşına da şahid oldum, 29 yaşına da. İndi isə onun 30 illik yubileyini qeyd edirəm. Hər dəfə bir məqam diqqətimi çəkib: İnsan iş yerindən ayrıldıqdan sonra çox vaxt həmin yerin ad gününü xatırlamır, bəzən heç təbrik də göndərmir. Amma "Şərq"çilər fərqlidir. Buradan ayrılanlar da, başqa ünvanlarda çalışanlar da "Şərq"in ad gününü unutmurlar. Hər yubileydə yenidən bir araya gəlir, zənglər edir, təbriklər göndərir, xatirələri bölüşür, yazılar yazırlar. Elə 30 illik yubileydə də belə oldu. Redaksiyaya gələn zənglər, bir-birinin ardınca səslənən təbriklər, ünvanlanan xoş sözlər bir daha göstərdi ki, "Şərq" yalnız orada çalışanların deyil, yolu bir dəfə də olsa bu redaksiyadan keçən hər kəsin yaddaşında özünə yer edib.

Hər kəs "Şərq"ə məktəb deyir, mən isə ona ailə deyirəm.

Çünki mənim "Şərq" xatirələrim yalnız öyrəndiyim peşəkar biliklərdən, hazırladığım süjetlərdən, yazdığım yazılardan ibarət deyil. Bu xatirələrin içində Akif Aşırlının "Banu balaca qızımızdır" deyərək məni əzizləməsi, bir ailə kimi süfrə başına toplaşmağımız, uzun-uzadı söhbətlərimiz, Yusif müəllimdən aldığım məsləhətlər, birlikdə səsləndirdiyimiz şeirlər, Rasim müəllimin hər dəfə "Banu qız, necəsən?" deyərək halımı soruşması, Fazilə xanımın hazırladığı yeməklər də var.

Nihatla aramızda olan kiçik mübahisələr, ondan aldığım məsləhətlər, gec göndərdiyim müsahibələrə görə "Ay Banu, mən bunu nə vaxt oxuyub sayta yerləşdirəcəyəm?" deyərək əsəbiləşməsi də bu xatirələrin bir parçasıdır. Yusif Sultanoğli ilə reportajlar üzərində yaşadığımız fikir ayrılıqları, İsmayıl bəylə və Şəymən xanımla məsləhətləşmələrim, Aybənizlə söhbətlərimiz, Məlahət xanımın, Elmarın, Fidanın və digər "Şərq"çilərin hər birinin mənə bəxş etdiyi ayrı-ayrı anlar...

Bəzən bir redaksiyanın ən böyük sərvəti onun arxivi, avadanlığı, yaxud çap etdiyi qəzet deyil. Ən böyük sərvəti orada çalışan, bir-birinin həyatında iz qoyan insanlardır. Mənim üçün "Şərq"in ən qiymətli tərəfi də məhz budur. Burada yalnız jurnalist kimi yetişmədim, həm də insanları tanıdım, münasibətlərin dəyərini anladım, həyatın və peşənin müxtəlif üzləri ilə qarşılaşdım. Öyrəndim ki, jurnalistika təkcə yazmaq, danışmaq, müsahibə almaq deyil. Bəzən dinləmək, səbir etmək, məsuliyyət daşımaq, səhvlərindən nəticə çıxarmaq və ən əsası, bütün çətinliklərə baxmayaraq, sevdiyin işə davam etməkdir.

Üç ilə yaxındır ki, "Şərq"in bir parçasıyam. Bu müddətdə redaksiyanın həm sevincli, həm də çətin günlərini gördüm. İnsanlar gəldi, insanlar getdi, ünvanlar dəyişdi, yeni xatirələr yarandı, yazıldı. Qəzet beşgünlük yayımdan həftədə bir dəfə nəşr olunmağa keçdi... Amma mənim üçün "Şərq"in mənası dəyişmədi. O, ilk dəfə qapısından ehtiyatla içəri girdiyim, sonradan özümü doğma hiss etdiyim, uğurlarıma sevindiyim, səhvlərimdən öyrəndiyim və hər zaman bir parçası olduğumu hiss etdiyim yerdir.

Bəlkə də illər sonra bu günləri xatırlayanda hər şey mənə uzaq bir xatirə kimi görünəcək. Amma əminəm ki, hansı ölkədə olsam da, harada çalışsam da, harada təhsil alsam da, "Şərq" Günəşinin bir zərrəsi həmişə mənimlə olacaq!

Yaxşı ki, yollarımız kəsişib, yaxşı ki, bu ailənin bir parçasıyam və mətbuat fədailəri ilə birgə çalışıram!

Ad günün mübarək, ailəm!

Bir neçə aydan artıq davam edən münasibətdə olmuş hər kəs təsdiqləyə bilər ki, hətta sağlam və xoşbəxt birliktelik belə, davamlı səy və diqqət tələb edir. Son vaxtlar münasibətinizdə nəyinsə qaydasında olmadığını hiss edirsinizsə, bunun səbəbi etməli olduğunuz, lakin laqeyd yanaşdığınız və ya ümumiyyətlə etmədiyiniz bəzi davranışlar ola bilər.

Münasibətdəki problemləri vaxtında görmək, onları dərinləşdirən davranışları anlamaq və tərəfdaşınızla aranızdakı harmoniyanı qorumaq çox vacibdir. Bəs münasibəti daha xoşbəxt və möhkəm edən əsas amillər hansılardır?

1. Sevginizi və dəyər verdiyinizi göstərməkdən çəkinməyin

Xüsusilə uzun müddət davam edən münasibətlərdə tərəfdaşımızı özümüzə aid və həmişə yanımızda olacaq biri kimi qəbul etmək çox asandır. İlk günlərin həyəcanı azaldıqca ona göstərdiyimiz diqqət də zəifləyə bilər.

Psixoloq Syuzan Krauss Uitbornun fikrincə, tərəfdaşınıza minnətdarlığınızı və sevginizi kiçik jestlərlə göstərmək münasibətlərin möhkəmlənməsində mühüm rol oynayır. Onun sevdiyi dondurmanı alıb evə gətirmək və ya qarşılayarkən yanağından öpmək belə münasibətə yeni istilik qata bilər.

2. Tərəfdaşınızın şəxsi həyatına müdaxilə etməyin

Psixoloq Randi Qanter tərəfdaşın şəxsi həyatına hörmətlə yanaşmağın vacibliyini vurğulayır. Xüsusilə ortaq dostlar və tanışlar arasında onun şəxsi məlumatlarını bölüşməkdən çəkinmək lazımdır.

Bəzən tərəfdaşınızla bağlı hansısa sirri dostunuzla bölüşmək istəyinə qarşı durmaq çətin ola bilər. Lakin onun şəxsi sərhədlərinə hörmət etmək münasibətdə etimadın qorunması və daha möhkəm bağların yaranması üçün vacibdir.

3. Narahatlıqlarınızı gizlətməyin: Açıq ünsiyyət münasibətin təməlidir

Nədənsə incidikdə və ya qarşı tərəfi üzməkdən qorxduqda hisslərimizi və narahatlıqlarımızı içimizdə saxlamaq daha asan görünə bilər. Lakin psixoloq Randi Qanterin fikrincə, sağlam münasibət üçün açıq danışmaqdan və qüruru kənara qoymaqdan çəkinməmək lazımdır.

Belə ünsiyyət həm qarşılıqlı anlaşılmazlıqları, həm də tərəflərin bir-birinə qarşı psixoloji oyunlar qurmasının qarşısını alır.

4. Mübahisələri böyütməyin: İttiham əvəzinə hisslərinizi ifadə edin

Ünsiyyət üzrə mütəxəssis Preston Ni mübahisələr zamanı qarşı tərəfi ittiham edən ifadələrdənsə, öz hisslərimizi ifadə etməyin daha doğru olduğunu bildirir.

Onun sözlərinə görə, insanlar onlara nə etməli olduqlarının diktə edilməsini sevmirlər. "Sən" ifadəsi ilə başlayan cümlələr isə qarşı tərəfdə qəzəb və müdafiə reaksiyası yarada bilər.

Məsələn, "Mənim ehtiyaclarımı heç vaxt düşünmürsən" demək əvəzinə, "Mənimlə məsləhətləşmədən ikimiz üçün plan quranda özümü istəklərim nəzərə alınmayan biri kimi hiss edirəm" demək daha sağlam ünsiyyət formasıdır.

5. Münasibətinizi gücləndirmək üçün birlikdə filmlərə baxın

Söhbət istənilən filmdən deyil, xüsusilə sevgi və münasibətlərdən bəhs edən ekran əsərlərindən gedir.

Rochester Universitetində aparılan araşdırmaya görə, həftədə bir dəfə münasibətlər mövzusunda film izləyən və daha sonra onun haqqında müzakirə aparan cütlüklər bir sıra müsbət nəticələr əldə edirlər.

Başqa insanların münasibətlərini müzakirə etmək öz davranışlarımızı daha yaxşı anlamağa və münasibətimizdəki problemlərə fərqli yanaşmağa kömək edir. Buna görə də birlikdə film izləmək üçün vaxt ayırın.

6. Birlikdə yeni təcrübələr qazanın: Münasibətinizə yenilik gətirin

Araşdırmalar göstərir ki, birlikdə yaradıcı fəaliyyətlərlə məşğul olan cütlüklərin münasibətləri daha möhkəm olur. Yeni yerlərə səyahət etmək, hansısa kursa yazılmaq və ya əvvəllər sınamadığınız fəaliyyətlərlə məşğul olmaq münasibətlərin inkişafına müsbət təsir göstərir.

Belə fəaliyyətlər tərəfdaşların ayrı-ayrı istiqamətlərdə deyil, birlikdə inkişaf etməsinə şərait yaradır. Buna görə də çoxdan arzuladığınız səyahəti planlaşdırın və ya birlikdə maraqlı bir kursa qatılın.

7. Münasibətinizə həftədə əlavə 6 saat ayırın

Araşdırmalara əsasən, həftə ərzində birlikdə orta göstəricidən əlavə 6 saat keçirən cütlüklərin münasibətləri daha sağlam olur.

Bunun üçün həftədə bir dəfə film gecəsi təşkil edə və ya hər bazar səhəri birlikdə səhər yeməyi yeməyi ənənəyə çevirə bilərsiniz.

İlk baxışdan əhəmiyyətsiz görünən bu kiçik vərdişlər münasibətə müsbət təsir göstərir və tərəfdaşlar arasında emosional bağlılığı gücləndirir.

Avropa Komissiyasının demokratiya, ədliyyə, qanunun aliliyi və istehlakçıların müdafiəsi məsələləri üzrə komissarı Maykl Makqrat Avropanın “Politico” nəşrinə bildirib ki, Polşanın Konstitusiya Məhkəməsinə yeni hakimlərin təyin edilməsi Seymin səlahiyyətində olmalıdır.

Bununla da Maykl Makqrat Brüsselin Polşa Prezidentinin Konstitusiya Məhkəməsinə hakim təyin etmək səlahiyyətini dəstəkləmədiyini ortaya qoyub. Məhz hakimlərin təyin edilməsi ilə bağlı mübahisə ölkədəki böhranın əsas səbəbidir. Maykl Makqrat sözlərini Avropa İttifaqı Ədalət Məhkəməsinin mövqeyi və Avropa Şurasının Venesiya Komissiyasının rəyi ilə əsaslandırıb.

Avropa Komissiyası vəziyyəti izlədiyini “Politico”ya ünvanladığı, diqqətlə hazırlanmış bəyanatında bildirib. Nəşr yazıb ki, bBu bəyanatda faktiki olaraq Tuska dəstək ifadə olunub.

Xatırladaq ki, oktyabrın 30-da Polşadakı böhran kəskin mərhələyə keçdiyi zaman Avropa Komissiyası ölkədə baş verən hadisələrin mahiyyəti ilə bağlı şərh verməkdən çəkinib. Qurum buna səbəb kimi Avropa İttifaqına üzv ölkələrdəki daxili siyasi vəziyyəti şərh etməmək barədə mövcud təcrübəni göstərib.

Polşada siyasi böhran Tusk hökumətinin Matey Berekini Konstitusiya Məhkəməsinə hakim təyin etmək qərarından sonra yaranıb. Son həftələr ərzində məhkəmənin binası qarşısında mütəmadi olaraq etiraz aksiyaları keçirilib. Müxalifətçi siyasətçilərin bir qismi baş verənləri dövlət çevrilişinə cəhd adlandırıb.

ABŞ-da keçiriləcək aralıq seçkilərlə bağlı əsas məqamları təqdim edirik.

Trampın siyasi gələcəyini müəyyənləşdirəcək seçki marafonu

ABŞ-da Donald Trampın prezidentlik müddətinin qalan hissəsinə ciddi təsir göstərə biləcək aralıq seçkilərə cəmi bir neçə gün qalıb. Bu seçkilərin nəticələri ölkənin siyasi gündəminə və hakimiyyət bölgüsünə təsir baxımından mühüm əhəmiyyət daşıyır.

Konqres uğrunda böyük savaş: 435 mandat və 35 senator yeri

Amerikalılar noyabrın 3-də Konqres üzvlərini seçmək üçün səsverməyə gedəcəklər. ABŞ Konqresi iki palatadan - Nümayəndələr Palatası və Senatdan ibarətdir.

Seçkilər hər iki ildən bir keçirilir. Prezidentin dördillik səlahiyyət müddətinin ortasına təsadüf edən seçkilər isə aralıq seçkilər adlanır.

Konqresin əsas vəzifələrindən biri ölkə üzrə qüvvədə olan federal qanunları hazırlamaq və qəbul etməkdir.

Aralıq seçkilərin nəticələri hansı siyasi partiyanın – Trampın Respublikaçılar Partiyasının, yoxsa müxalifətdəki Demokratlar Partiyasının Konqresə nəzarət edəcəyini müəyyənləşdirəcək. Bu, həmçinin prezidentin öz siyasi planlarını həyata keçirməsinin nə dərəcədə asan olacağına təsir göstərəcək.

Nəticələr ABŞ ictimaiyyətinin prezidentin indiyədək gördüyü işlərdən nə dərəcədə razı qaldığının göstəricisi kimi də qiymətləndirilir.

ABŞ-da siyasi mübarizənin əsas cəbhələri: ştatlar və Konqres

Konqresin aşağı palatası olan Nümayəndələr Palatasındakı 435 yerin hamısı uğrunda mübarizə aparılacaq. Palatanın üzvləri ikiillik müddətə seçilirlər. Qanun layihələri, adətən, ilk olaraq burada təqdim olunur və müzakirəyə çıxarılır.

Yuxarı palata olan Senatdakı 100 yerdən 35-i üçün də seçkilər keçiriləcək. Senatorlar altıillik müddətə seçilirlər. Senatın vəzifələrinə Nümayəndələr Palatasından daxil olan qanun layihələrini təsdiqləmək və ya rədd etmək də daxildir.

Həmin gün ABŞ-ın əksər ştatlarında seçicilər ştat səviyyəsində fəaliyyət göstərəcək siyasətçiləri də müəyyənləşdirəcəklər. Kaliforniya, Florida, Corciya və Miçiqan ştatlarında qubernator seçkiləri xüsusi diqqət mərkəzində olacaq.

Bahalaşma, miqrasiya və süni intellekt - Trampın qarşısındakı çətin sınaqlar var

ABŞ iqtisadiyyatı, yanacaq, ərzaq, mənzil və səhiyyə xidmətlərinin bahalaşması ilə üzləşən çoxsaylı seçicilərin əsas narahatlıq mövzularındandır.

İnflyasiya ABŞ Federal Ehtiyat Sisteminin (FED) hədəflədiyi səviyyədən yüksək olaraq qalır. Bunun səbəblərindən biri də ABŞ və İsrailin fevral ayında İrana qarşı başlatdığı müharibədir.

Demokratlar isə Trampın tətbiq etdiyi gömrük tariflərinin amerikalılar üçün qiymətləri daha da artırdığını iddia edirlər.

Miqrasiya da seçkilərin əsas müzakirə mövzularındandır. Respublikaçılar Trampın 2024-cü il seçki kampaniyasında verdiyi mühüm vədlərdən birini yerinə yetirdiyini, sərhəd təhlükəsizliyini gücləndirdiyini və qanunsuz miqrasiya ilə mübarizə çərçivəsində genişmiqyaslı, tez-tez mübahisələrə səbəb olan əməliyyatlara başladığını bildirirlər.

Süni intellektlə bağlı narahatlıqlar da son həftələrdə daha aktual müzakirə mövzusuna çevrilib. Hər iki partiyanın yüksək vəzifəli siyasətçiləri süni intellektin tənzimlənməsinin zəruriliyi ilə bağlı ortaq mövqeyə gəliblər. Bu yanaşma texnologiyanın inkişafına nəzarət edəcək hüquqi tənzimləmələri rədd edən Trampın mövqeyi ilə ziddiyyət təşkil edir.

Respublikaçıların Konqresdəki üstünlüyü əldən çıxa bilər

Konqres prezidentlik və məhkəmə hakimiyyəti ilə yanaşı, ABŞ dövlət hakimiyyətinin üç əsas qolundan biridir. Qanunvericilik prosesində hansı partiyanın Konqresə nəzarət etməsi mühüm rol oynayır.

Hazırda həm Nümayəndələr Palatası, həm də Senat respublikaçıların nəzarətindədir. Lakin onların hər iki palatada üstünlüyü cüzi fərqlədir.

Respublikaçıların Nümayəndələr Palatasında 218 mandatı var. Bu, palatada çoxluğu təmin etmək üçün tələb olunan minimum yer sayıdır. Bundan əlavə, respublikaçılarla birlikdə səs verən bir müstəqil üzv də mövcuddur.

Senatda isə respublikaçılar 53 yerə sahibdir. Demokratların yuxarı palatada nəzarəti ələ keçirməsi üçün 51 mandat qazanması tələb olunur. Bu halda respublikaçıların 50, demokratların isə 50 yerə sahib olduğu ssenaridə hazırda respublikaçı olan vitse-prezidentin həlledici səsindən də üstünlük əldə edilmiş olacaq.

Müxalifətdəki demokratlar iki palatadan ən azı birində nəzarəti yenidən ələ keçirə bilsələr, öz qanun layihələrini Konqresin gündəliyinə çıxarmaq imkanları genişlənəcək.

Trampın reytinqində geriləmə

Əvvəlki seçkilərin təcrübəsi göstərir ki, seçicilər bəzən hakimiyyətdə olan prezidentin partiyasını aralıq seçkilərdə cəzalandırmağa və alternativ siyasi qüvvəyə səs verməyə meyilli olurlar.

Son ictimai rəy sorğuları Trampın reytinqinin aşağı olduğunu göstərir. Sorğuların orta göstəricilərinə əsasən, Tramp ikinci prezidentlik müddətinə 50 faizdən bir qədər yüksək dəstək səviyyəsi ilə başlayıb. Lakin bu göstərici oktyabrın əvvəlində təxminən 37 faizə düşüb. Respondentlərin 61 faizi isə onun fəaliyyətini dəstəkləmədiyini bildirib.

Bununla belə, hər iki palata üzrə bütün seçki dairələrində rəqabət eyni səviyyədə deyil. Bəzi dairələrdə respublikaçıların və ya demokratların qələbəsi demək olar ki, əvvəlcədən gözlənilən nəticə hesab olunur.

Bu ilki seçkiləri daha da proqnozlaşdırılmaz edən amillərdən biri də Nümayəndələr Palatasına seçki dairələrinin sərhədlərinin müəyyənləşdirilməsi ilə bağlı iki partiya arasında gedən mübarizədir.

Respublikaçılar bəzi ştatlarda öz xeyirlərinə nəticə verəcək seçki xəritələri hazırlamaqla üstünlük əldə etməyə çalışıblar. Demokratlar da eyni üsula əl atıblar.

Demokratların qələbəsi Tramp üçün impiçment təhlükəsi yarada bilər

Demokratlar Nümayəndələr Palatasında və ya Senatda nəzarəti ələ keçirəcəkləri təqdirdə Trampın Konqresdən qanun layihələrini keçirməsi çətinləşəcək.

Bu, prezidentin daxili siyasətlə bağlı planlarının qarşısının alınmasına səbəb ola bilər. Bununla belə, Tramp öz partiyasının geniş dəstəyinə ehtiyac duymadan da prezident səlahiyyətlərindən istifadə etməyin yollarını tapıb.

Demokratların palatalardan birində çoxluğu əldə etməsi onlara Tramp administrasiyasının fəaliyyətinin ayrı-ayrı istiqamətlərini araşdırmaq üçün komitələrdən istifadə imkanı da verəcək. Korrupsiya iddiaları, Ağ Evdə inşa edilən yeni bal zalı və Miqrasiya və Gömrük Mühafizəsi Xidmətinin (ICE) fəaliyyəti araşdırıla biləcək məsələlər sırasındadır.

Demokratlar Partiyası daxilində Trampın impiçmentə məruz qalıb-qalmaması ilə bağlı müzakirələr də aparılır. İmpiçment Konqresdə siyasi xarakterli məhkəmə prosesinin başlanmasına əsas verən ittihamların irəli sürülməsi deməkdir. Bu, cinayət məhkəməsi deyil.

Respublikaçılar Konqresdəki nəzarəti qoruyub saxlasalar, Tramp prezidentlik müddətinin qalan hissəsində öz planlarını həyata keçirməyə davam edə biləcək.

2028-ci il uğrunda mübarizənin ilk siqnalları: Trampdan sonra kim gələcək?

Aralıq seçkilərdə prezidentin adı seçki bülletenində yer almır. Bununla belə, Tramp respublikaçıları indiyədək həyata keçirdiyi siyasətə dəstək vermək üçün səsvermədə sanki onun özünə səs verirmiş kimi davranmağa çağırıb.

Nəticələrdən asılı olmayaraq, siyasi şərhçilərin seçkiləri Tramp administrasiyası dövründə ölkənin inkişaf istiqamətinə dair ictimai rəyin qiymətləndirilməsi üçün əsas göstəricilərdən biri kimi nəzərdən keçirməsi gözlənilir.

Tramp üçüncü dəfə prezidentliyə namizəd ola bilməyəcək. Aralıq seçkilərdən sonra 2028-ci ildə Respublikaçılar Partiyasının prezidentliyə namizədi kimi onu kimin əvəz edəcəyi və Demokratlar Partiyasının həmin namizədə qarşı hansı şəxsi irəli sürəcəyi ilə bağlı müzakirələrin daha da intensivləşəcəyi gözlənilir.

Teleqraf-ın yerli bürosu xəbər verir ki, hadisəsi şəhərin Azərbaycan prospektində baş verib.

İlkin məlumata görə, hərəkətdə olan KIA markalı minik avtomobilinin sürücüsü idarəetməni itirib.

Nəticədə avtomobil əvvəlcə qaz xəttinə çırpılıb, daha sonra səkiyə çıxıb. Hadisə zamanı qaz xəttinə və nəqliyyat vasitəsinə ciddi ziyan dəyib.

Fakta bağlı araşdırma aparılır.

Xatıladaq ki, “Qızıl Qaya” restoranında baş vermiş hadisə ilə bağlı Azərbaycan Qida Təhlükəsizliyi Agentliyi araşdırmalara başlayıb, restorandan nümunələr götürülərək laboratoriyaya göndərilib. Ümumilikdə 14 nəfərin qidadan zəhərləndiyi, onlardan bir neçəsinin xəstəxanaya yerləşdirildiyi bildirilir və hüquq-mühafizə orqanları tərəfindən araşdırma aparılır.

Azad İstehlakçılar Birlyinin sədri Eyyub Hüseynov Sherg.az-a açıqlamasında bildirdi ki, restoran sektorunda qanun pozuntuları getdikcə artır, AQTA-nın isə hər bir restorana, şadlıq sarayı və ya dönərxanalara nəzarət etmək imkanı məhduddur. Burada əsas vəzifə vətəndaşalrın üzərinə düşür ki ictimai nəzarəti həyata keçirsinlər:

- Şadlıq sarayları ucuz, keyfiyyətsiz ərzaqlar alır, əksər şadlıq evlərində bir neçə gün əvvəldən hazırlanan və ya əvvəlki məclislərdən qalan yeməklər yenidən qızdırılaraq müştərilərə təqdim olunur. Həmçinin, bir çox hallarda restoranların dəbdəbəli zalları ilə antisanitar vəziyyətdə olan mətbəxləri bir-birinə heç uyğun gəlmir. Azərbaycan Qida Təhlükəsizliyi Agentliyi gecə-gündüz hər bir restoranın mətbəxində dayanıb nəzarət edə bilməz. Dövlət qurumlarının əli-qolu qanunvericilik tərəfindən müəyyən mənada bağlı olduğu üçün burada ən böyük yük vətəndaşların üzərinə düşür. Vətəndaşlar özləri nəzarət etməli, mətbəxə, sanitar qovşağa baxmalı, vəziyyətlə tanış olmalıdırlar. Bizim əhali bu cür məsələlərdə çox passivdir və şadlıq sarayı, restoran idarə edənlərə çox “etibar” edir. Bizim əhalidə, təəssüf ki yoxlamaq, diqqət etmək, narazılıq bildirmək, haqqını rələb etmək kimi funksiyalar yaxşı formalaşmayıb. Qarşısına nə qoyursan, yeyir, pulunu ödəyir, üstəlik çox sağ ol da deyir. Amma görürsünüz, necə bədbəxt hadisələr baş verir. Toya gələrlər zəhərlənir, yeməklər keyfiyyətsiz, xidmət sıfır səviyyəsində. Vətəndaşlarımız susmamalı, neqativ halla rastlaşdıqda dillənməli, mənfi halları ictimailəşdirməlidirlər ki, xidmət sektorunda keyfiyyət önə çıxsın. 

"Report" xəbər verir ki, bunu İranın xarici işlər naziri Abbas Əraqçi bildirib.

Onun sözlərinə görə, hazırda danışıqlarda vasitəçilərlə iki günlük plan ətrafında məsləhətləşmələr aparılır. Lakin yekun razılığın əldə olunması qarşı tərəfin İranın suallarına verəcəyi cavablardan asılıdır.

Əraqçi qeyd edib ki, İran xarici işlər nazirinin müavini səviyyəsində nümayəndə heyətinin Qətərə səfəri son həftələr Tehrana səfər edən Qətər vasitəçiləri ilə məsləhətləşmələrin davam etdirilməsi məqsədi daşıyıb. Səfər çərçivəsində ABŞ tərəfi ilə danışıqların aparılması nəzərdə tutulmayıb.

İran XİN rəhbəri qarşı tərəfin rasional mövqe nümayiş etdirərək diplomatiyaya üstünlük verəcəyinə ümid etdiyini bildirib.

Qeyd edək ki, Əraqçi daha əvvəl İranın danışıqlar zamanı Hörmüz boğazının açılması planının icra müddətinin iki günə endirilməsinə razılıq verdiyini açıqlamışdı.

Otuz il bir insan ömründə böyük zaman kəsiyidir. Bir qəzetin həyatında isə bütöv bir tarixdir. Hər nömrənin arxasında bir zəhmət, hər səhifənin arxasında isə sözə inanan insanların əməyi dayanıb.

Qəzetçilik mənim üçün sadəcə peşə deyil. Bu, sözə bağlılıq, cəmiyyətin nəbzini tutmaqdır. Bəzən bir cümlənin arxasında böyük həqiqət, bir qəzet səhifəsində isə bütöv bir dövrün mənzərəsi dayanır. “Şərq” bu 30 ildə zamanın şahidi olub. Dəyişən dünyanı, dəyişən cəmiyyəti, insanların sevincini və qayğılarını öz səhifələrində yaşadıb.

“Şərq”ə gəldiyim vaxt bu gün də yadımdadır. Universiteti yenicə bitirmişdim. “Şərq” qəzetinə Ayyət Əhmədin yanına yaxınlaşdım. Gələcəyim barədə onun əvvəlcədən məlumatı var idi. Bir qədər söhbətləşdikdən sonra məni baş redaktor Akif Aşırlının otağına təqdim etmək üçün getdik.

Akif müəllim qarşısındakı hansısa sənədə baxırdı. Ayyət müəllim məni ona təqdim etdi:

– Tovuzludur, yaxşı hekayələr, şeirlər yazır. Qələmi var.

Akif müəllim qaşlarını qaldıraraq gözucu mənə baxdı. Ömrümdə heç vaxt o qədər həyəcanlanmamışdım. Qəzet haqqında bir qədər məlumat verdikdən sonra Ayyət müəllimə tapşırdı ki, mənim üzərimdə işləsin.

Ayyət müəllimdən jurnalistikanın əsaslarını, redaksiyada işləməyin incəliklərini öyrəndim. Daha sonra Yusif Nəzərli mənə qəzetçiliyin özünəməxsus xüsusiyyətlərini öyrətməyə başladı.

“Şərq” təkcə qəzet deyil, həm də bir ailədir. Nahar vaxtı hamı bir araya gələr, ölkədə və qəzetdə baş verənləri müzakirə edərdi. Akif müəllim bir dəfə də olsun kiminsə fikrini yarımçıq kəsməz, hər kəsə hörmətlə yanaşardı. Bu münasibət, bu mühit mənim üçün əsl məktəb oldu.

Əlbəttə, bu yol həmişə hamar olmayıb. Çətinliklər də olub, yorğunluq da, narahat gecələr də. Amma bütün bunların fövqündə bir inam dayanıb: “Şərq” yaşamalıdır, yazmalıdır, oxucusunun yanında olmalıdır!

Bu gün geriyə baxanda anlayıram ki, 30 il təkcə qəzetin yaşı deyil, həm də bir çox insanın ömründən verilmiş zəhmətin, fədakarlığın və sədaqətin tarixidir. Bu tarixdə əməyi olan hər kəsə ürəkdən təşəkkür edirəm. Bu qəzetin dünənində izi olanları minnətdarlıqla xatırlayıram, bu gün onun yaşaması üçün çalışanlarla qürur duyuram.

Mənim üçün “Şərq” sadəcə bir qəzet adı deyil. O, bir məsuliyyətdir, bir etimaddır, bir mənəvi bağlılıqdır. Arzu edirəm ki, “Şərq”in sabahı dünənindən daha parlaq olsun. İstəyirəm ki, illər sonra da kimsə “Şərq”in adını çəkəndə onun arxasında dayanan zəhməti, sözü və etibarı xatırlasın.

Bu gün yubileyimizi qeyd edərkən bir daha anlayıram: illər keçir, nəsillər dəyişir, texnologiyalar yenilənir, amma sözün dəyəri dəyişmir. Sözə hörmət varsa, qəzet yaşayır. Oxucuya sevgi varsa, yol davam edir.

Əziz “Şərq”im, 30 yaşın mübarək!

Axar.az xəbər verir ki, Sahil Mühafizəsi və Jandarm qüvvələri qanunsuz miqrasiya istiqamətində əməliyyat keçiriblər.

Araşdırma zamanı qanunsuz miqrasiyanı təşkil etdikləri ehtimal edilən 3 şübhəli barəsində hüquqi prosedurlara başlanılıb.

Miqrantlar müvafiq prosedurlar başa çatdıqdan sonra Miqrasiya İdarəsinə təhvil veriliblər.

Teleqraf xəbər verir ki, onun bacısı, Bakı Dövlət Universitetinin (BDU) Şərqşünaslıq fakültəsinin dosenti, filologiya elmləri namizədi Nüşabə Əlizadə vəfat edib.

Qeyd edək ki, Nüşabə Əlizadə BDU-nun Şərqşünaslıq fakültəsini bitirdikdən sonra AMEA-nın Z.Bünyadov adına Şərqşünaslıq İnstitutunda elmi fəaliyyət göstərib. O, 1993-cü ildən BDU-nun İran filologiyası kafedrasının dosenti vəzifəsində çalışıb, çoxsaylı elmi məqalə və monoqrafiyaların müəllifi olub.​

APA xəbər verir ki, Volodimir Zelenski Telegram-da paylaşımında yazıb ki, yalnız bu gecə Rusiyanın zərbələri Ukraynanın Dnepropetrovsk, Vinnitsa, Jitomir və Xmelnitski vilayətində enerji infrastrukturunu hədəf alıb.

“Bunlar insanların yaşadığı evləri elektrik enerjisi ilə təmin edən yarımstansiyalar, transformatorlar və elektrik xətləridir. Hər yerdə təmir briqadaları işləyir. Hazırda yüz minlərlə ailə elektrik enerjisiz qalıb. Rusiya Ukraynanın digər kritik infrastrukturlarına da davamlı olaraq kütləvi hücumlar həyata keçirir. Bu həftə ərzində Rusiya Ukraynaya 1940 zərbə dronu, 1580-dən çox idarəolunan aviasiya bombası (KAB) və müxtəlif tipli 44 raket atıb. Onlardan 36-sı ballistik raket olub. Zərbələrin intensivliyi olduqca yüksəkdir və rusiyalılar ballistik raketlərin qarşısını almaq üçün nəzərdə tutulan raketlərin çatışmazlığından maksimum yararlanmağa çalışırlar.

ABŞ, Avropa və bizə kömək edə biləcək digər tərəfdaşlarla “Patriot” hava hücumundan müdafiə sistemləri üçün raketlərə olan ehtiyacımız barədə hər gün əlaqə saxlayırıq. Bu ay ABŞ və Avropa ölkələri tərəfindən Ukraynaya yeni yardım paketlərinin ayrılması ilə bağlı qərarlar da qəbul edilib. Lakin bu tədarüklər illərlə gözləyə bilməz. Rusiya məhz indi infrastrukturu dağıdır, insanlarımızı öldürür və bu qış ballistik raketlərdən geniş istifadə etməyə ümid edir. Buna görə də hava hücumundan müdafiə ilə bağlı qərarlar indi həyata keçirilməlidir. Ukrayna səmasının müdafiəsinə dəstək verən hər kəsə təşəkkür edirəm”, - deyə Ukrayna Prezidenti qeyd edib.

Vətəndaşların Əmək Hüquqlarının Müdafiəsi Liqasının sədri, hüquqşünas Sahib Məmmədov Sherg.az-a açıqlamasında qeyd etdi ki, "STOP" sözü qanunvericiliyimzə elə daxil olub ki, onu “toxtatmaq” çox çətin olacaq: 

- "Yol Nişanları və Siqnalları haqqında" Vyana Konvensiyasının 10-cu maddəsinin 6-cı bəndinə görə, B,1 nişanı: "Yol ver" (güzəşt et) nişanıdır. B,2 nişanı isə "Dayanmadan keçmək qadağandır" (STOP) nişanıdır. B,1 nişanına yaxınlaşmanın işarə olunması məqsədilə, bu nişan bu Konvensiyaya əlavə 1-in H bölməsində təsvir olunmuş H,1 əlavə lövhəciyi ilə birlikdə istifadə olunur. B,2 nişanına yaxınlaşmanın işarə olunması məqsədilə üzərində “STOP” işarəsi və B,2 nişanına qədər olan məsafəni göstərən rəqəm olan düzbucaqlı lövhəcik əlavə olunmuş B,1 nişanından istifadə olunur. “Yol nişanları və siqnalları haqqında” Konvensiyanın təsdiq edilməsi barədə Azərbaycan Respublikasının qanunu Prezident İlham Əliyev tərəfindən 21 dekabr 2010-cu ildə imzalanıb. 

Teleqraf xəbər verir ki, paytaxt təmsilçisi rəqibini 3:2 hesabı ilə üstələyib.

Şamaxı şəhər stadionunda keçirilən qarşılaşmada qonaqların heyətində Qustavo Klisman (14), Breno Almeyda (49) və Adeleke Akinyemi (75) fərqləniblər. Meydan sahiblərinin qollarını isə Abdullah Şuaybu (24) və Ayman Bouali (64) vurublar.

Bu nəticədən sonra xallarının sayını 21-ə çatdıran “Neftçi” Azərbaycan Premyer Liqasının turnir cədvəlində liderliyə yüksəlib.

"Report" "Fars" agentliyinə istinadən xəbər verir ki, bu barədə Tehran Tibb Elmləri Universitetinin yoluxucu xəstəliklər üzrə professoru Həmid Emadi Kuçək xəbərdarlıq edib.

E. Kuçək deyib ki, hazırda yayılan koronavirus alt ştammının ötürülmə və yoluxma sürəti əvvəlkilərdən qat-qat yüksəkdir, lakin bu növ koronavirusun səbəb olduğu ölüm göstəriciləri əvvəlki növlərə nisbətən daha azdır:

"Yayılmış viruslara, xüsusən də koronavirus və qripə yoluxmağın qarşısını almaq üçün yeganə təsirli və qabaqlayıcı yol, əlləri müntəzəm yumaq, izdihamlı mühitlərdə maskadan istifadə etmək və yaşlıların, eləcə də xroniki xəstəlikləri olan şəxslərin mümkün qədər sıx və izdihamlı yerlərdən çəkinməsi kimi fərdi gigiyena qaydalarına riayət etməkdir.

Mövcud məlumatlara əsasən, COVID-19 virusuna yoluxma hallarının əhəmiyyətli dərəcədə artması və kəskin yüksəlişi ilə üz-üzəyik".

Qeyd olunub ki, bir çox insan ailə üzvlərinin, xüsusən də uşaqların tənəffüs yolları infeksiyalarına yoluxduğunu bildirir.

AFP xəbər verir ki, 13 nəfəri saxlanılıb, toqquşmalar nəticəsində onlarla insan xəsarət alıb.

Saat 04:30 radələrində onlarla polis əməkdaşının Lissabonun Rossio meydanında yerləşən çadır düşərgəsinə və Portunun Dom Joao I meydanındakı daha kiçik düşərgəyə daxil olması ilə qısa müddətdə toqquşmalar başlayıb. Etirazçılar “Diktatura iyi gəlir!” şüarları səsləndiriblər. Polis çadırları sökməyə çalışan əməkdaşlara bəzi nümayişçilərin butulka və boya atdığını bildirib.

Polisin açıqlamasında qeyd olunub ki, dağılışmaq barədə əmrlərə tabe olmadıqları üçün Lissabonda altı, Portuda isə yeddi nəfər saxlanılıb. Hadisə zamanı 13 polis əməkdaşının xəsarət aldığı, onlardan səkkizinin xəstəxanaya yerləşdirildiyi bildirilib.

Portuda polis əməkdaşları etirazçıları müşahidə edən mülki geyimli üç əməkdaşın bir qrup tərəfindən tanındıqdan sonra hücuma məruz qaldığını açıqlayıb.

Polisin məlumatına görə, əməkdaşlardan biri çəkindirici tədbir kimi xidməti silahını nümayiş etdirib.

Açıqlamada əməliyyat zamanı mülki şəxslər arasında da xəsarət alanların olduğuğu qeyd edilib. Əməliyyatın “qətiyyətlə, təmkinlə və vətəndaşların hüquqlarına hörmətlə” həyata keçirildiyi qeyd olunub.

“Acampada Lisboa” fəal qrupu 30-dan çox etirazçının xəsarət aldığını, onlardan 10-nun xəstəxanaya yerləşdirilməsinə ehtiyac yarandığını bildirib. Qrup polis əməliyyatına etiraz olaraq bazar günü günortadan sonra paytaxtda yeni aksiya keçiriləcəyini elan edib.

“Bizim səsimizi susdura bilməyəcəklər”, – deyə qrup sosial şəbəkələrdə yaydığı bəyanatda bildirib. Bəyanata etirazçıların bədənlərində göyərmələr və polis zorakılığı nəticəsində yarandıqları iddia edilən xəsarətləri əks etdirən fotolar da əlavə olunub.

Bəzi etirazçılar Portuqaliyada 1974-cü il inqilabının rəmzi olan qırmızı qərənfillər daşıyıblar. Bu, təxminən yarım əsrlik diktaturaya son qoyan, hərbçilərin rəhbərlik etdiyi dinc üsyana işarə idi.

Polis Lissabonda 69, Portuda isə 30 çadırın götürüldüyünü bildirib.

Çadır düşərgələri mənzil qiymətlərinin kəskin artmasına qarşı iki şəhərdə keçirilən dinc yürüşlərdən sonra şənbə günü axşam qurulmuşdu.

Axar.az xəbər verir ki, bu barədə AP məlumat yayıb.

Məlumata görə, teleskopun böyük hissəsi atmosferə daxil olarkən yanıb kül olacaq. Lakin volframdan hazırlanmış bəzi komponentlər, eləcə də güzgülərin fraqmentləri planetin səthinə çata bilər.

Qalıqların okeana düşməsi ehtimalı daha yüksəkdir.

Teleqraf xəbər verir ki, bunu Böyük Britaniya Xəzinədarlığının baş katibi Emma Reynolds “Sky News” telekanalına açıqlamasında bildirib.

Onun sözlərinə görə, noyabrın 20-də Aİ ilə keçiriləcək görüşdə bu məsələ müzakirə olunacaq. Reynolds hesab edir ki, hazırkı saziş Britaniya şirkətlərinin Avropa ölkələrinə məhsul satmasını çətinləşdirir.

“Breksit referendumundan 10 il ötüb. İndi Britaniya xalqı ilə gələcək addımlar barədə danışmağın vaxtıdır. Noyabrın 20-də keçiriləcək görüşdə Boris Consonun dövründən qalan uğursuz sazişi yaxşılaşdırmağa çalışacağıq”, – o deyib.

Reynolds bildirib ki, sərhədlərdə yaranan əlavə maneələr səbəbindən Britaniyanın Avropa İttifaqına məhsul ixrac edən hər yeddi şirkətindən biri bu fəaliyyəti dayandırıb.

Bununla belə, hazırkı hökumət Britaniyanın yenidən Aİ-yə qoşulmasını, Avropa Gömrük İttifaqına və vahid bazara qayıtmasını planlaşdırmır. Reynolds qeyd edib ki, 2029-cu ildə keçiriləcək növbəti parlament seçkilərinə qədər bu məsələlər gündəmdə olmayacaq. Vətəndaşların Aİ ölkələri arasında sərbəst hərəkətinin bərpası da nəzərdə tutulmur.

Qeyd edək ki, Böyük Britaniyanın Aİ-dən çıxması ilə bağlı referendum 2016-cı il iyunun 23-də keçirilib. Səsvermədə iştirak edənlərin 51,9 faizi ölkənin ittifaqdan çıxmasını dəstəkləyib. Böyük Britaniya 2020-ci il fevralın 1-də Aİ-ni rəsmən tərk edib.

Ötən günlərdə Böyük Britaniyanın Baş naziri Endi Bernhem də ölkəsinin gələcəkdə Aİ-yə qayıtmasını görmək istədiyini bildirib. Bununla belə, o, hazırkı parlamentin fəaliyyəti dövründə belə bir addım atılmayacağını qeyd edib.

Bu barədə APA-ya TƏBİB-dən bildirilib.

Qeyd edilib ki, bədənin müxtəlif nahiyələrinin travmaları diaqnozları təyin olunan şəxslərə zəruri tibbi xidmətlər göstərilib.

2 nəfərin müalicəsi Təcili tibbi yardım şöbəsində davam etdirilir. Vəziyyətləri stabil qiymətləndirilir.

1 nəfərin müalicəsi isə Reanimasiya şöbəsində davam etdirilir, vəziyyəti ağır qiymətləndirilir.

1 nəfərin həkiməqədər ölüm fakı qeydə alınıb.

***

saat 08.13

Şəkidə ölümlə nəticələnən ağır yol-nəqliyyat hadisəsi baş verib.

APA-nın Şimal-qərb bürosunun məlumatına görə, hadisə gecə saat 03:00 radələrində Şəki-Qax avtomobil yolunun Şəkinin İnçə kəndi ərazisindən keçən hissəsində qeydə alınıb.

Hərəkətdə olan “Lada Priora” markalı minik avtomobili idarəetmədən çıxaraq dərəyə aşıb.

Qəza nəticəsində avtomobildə olan Laçın rayon sakini, 24 yaşlı Səbuhi Ağazadə aldığı xəsarətlərdən hadisə yerində ölüb.

Avtomobildə olan daha üç nəfər – Şamaxı rayon sakini, 24 yaşlı Əzəlxan Vəliyev, Goranboy rayon sakini, 25 yaşlı Ruhin Əliyev və Mingəçevir şəhər sakini, 40 yaşlı Surxan Hüseynov müxtəlif dərəcəli bədən xəsarətləri alıblar.

Yaralılar Şəki Rayon Mərkəzi Xəstəxanasının Təcili Tibbi Yardım Şöbəsinə yerləşdiriliblər.

Hazırda onların tibbi müayinəsi aparılır, diaqnozları dəqiqləşdirilir.

Faktla bağlı araşdırma aparılır.

Kult.az xəbər verir ki, bu barədə bu barədə qrupun sosial şəbəkə hesablarında məlumat verilib.

Məlumata görə, Tarasov uzun müddət onkoloji xəstəlikdən əziyyət çəkirmiş.

Teleqraf xəbər verir ki, o, klubun İdarə Heyətində və tabeliyindəki şirkətlərdə tutduğu vəzifələrdən ayrıldığını açıqlayıb.

Öztürk bu barədə sosial şəbəkə hesabında paylaşım edib. O, istefasına səbəb kimi oktyabrın 27-də keçirilən İdarə Heyətinin iclasında baş verən hadisələri göstərib.

Klub rəsmisi iclas zamanı fiziki hücuma məruz qaldığını və mərhum anasının təhqir edildiyini və yaşananları qəbul edə bilmədiyini bildirib.

Bu barədə Sherg.az-a ADY-dən məlumat verilib.

Bakıdan Tbilisiyə ilk əlavə reys 100 faiz doluluqla yola düşüb.

Reyslərin artırılması nəticəsində sərnişin yerlərinin sayı 386-dan 564-ə çatdırılıb. Bu isə 50 faizə yaxın artım deməkdir.

Yeni reyslərin istifadəyə verilməsi sayəsində sərnişinlər üçün daha aşağı büdcəli səyahət imkanları təqdim edilir. Belə ki, əlavə reyslərdə standart sinif (əvvəlki plaskart vaqonlar) üzrə biletlərin qiyməti 36 AZN-dən başlayır. Yeni aşağı büdcəli səyahət seçimi ilə sərnişinlər 30 faiz daha ucuz qiymətə bilet əldə bilirlər. Marşrut üzrə bir istiqamətə Bakıdan Tbilisiyə minimum gediş haqqı 54 AZN, Yevlaxdan 44 AZN, Gəncədən 41 AZN, Ağstafadan 38 AZN, Böyük Kəsikdən Tbilisiyə isə 36 AZN təşkil edir.

Müqayisə üçün qeyd edək ki, Bakıdan Tbilisiyə “Stadler” vaqonlarında komfort sinif üzrə minimum gediş haqqı 77,50 AZN, Gəncədən isə 56.80 AZN-dir.

Əlavə reyslərlə sərnişinlərə gecə səfərləri ilə yanaşı, gündüz səyahəti imkanı da təqdim edilir. Bununla da sərnişinlər Bakı–Tbilisi–Bakı marşrutu üzrə öz planlarına uyğun səfər vaxtını seçə bilirlər.

Yeni qrafikə əsasən, hazırda istismarda olan Bakı–Tbilisi–Bakı qatarı paytaxtdan saat 23:10-da yola düşməklə növbəti gün saat 08:41-də Tbilisiyə çatacaq. Qatar Tbilisidən saat 11:00-da yola düşərək saat 20:26-da Bakı Dəmiryol Vağzalında olacaq.

Yeni reys üzrə qatar isə Bakıdan hər gün saat 09:10-da yola düşəcək və saat 19:11-də Gürcüstan paytaxtına çatacaq. Əks istiqamətdə qatar saat 22:00-da hərəkətə başlayacaq və növbəti gün saat 07:57-də Bakıda olacaq.

Qeyd edək ki, Bakı–Tbilisi–Bakı marşrutu üzrə əlavə reyslərin istifadəyə verilməsi tərəflərin uzun müddət davam edən birgə zəruri hazırlıq, texniki və təşkilati işləri başa çatdırmasından sonra mümkün olub.

ADY beynəlxalq sərnişin daşımalarında xidmət keyfiyyətinin artırılması, sərnişinlərin rahat və təhlükəsiz səfərlərinin təmin olunması, eləcə də artan tələbatın qarşılanması istiqamətində tədbirləri davam etdirəcək.

APA-nın yerli bürosunun xəbərinə görə, hadisə şəhərin Muxtar Hacıyev küçəsindən yerləşən yaşayış binalarının birində qeydə alınıb.

Şəhər sakini 1991-ci il təvəllüdlü K.Nurəhmədlinin meyiti qonşusu, həm də dostu olan şəxsin evində aşkarlanıb. Dərhal hadisə yerinə polis və prokurorluq əməkdaşları cəlb edilib.

Onun hansı səbəbdən ölməsi hələlik məlum deyil.

İlkin məlumata görə K.Nurəhmədli dünən toyda olub, axşam sərxoş vəziyyətdə dostunun evinə gəlib.

Faktla bağlı Gəncə şəhər prokurorluğunda araşdırma aparılır.

Sherg.az xəbər verir ki, bu barədə Azərbaycan Respublikası Media və Yayım Şurasının bəyanatında bildirilib.

Qeyd edilib ki, “Media haqqında” Azərbaycan Respublikası Qanununun 6-cı maddəsinə əsasən jurnalistlərin peşəkar fəaliyyətinə qanunsuz müdaxilə edilməsi, onlara təzyiq göstərilməsi və təqib olunması yolverilməzdir:

“Azərbaycan Respublikası Media və Yayım Şurası jurnalistlərə qarşı zorakılıq və onların qanuni peşə fəaliyyətinə maneə yaradılması hallarını qətiyyətlə qınayır, baş vermiş hadisələrin operativ, hərtərəfli və obyektiv araşdırılacağına əminliyini ifadə edir, hər kəsi media nümayəndələrinin qanuni fəaliyyətinə hörmətlə yanaşmağa və onların peşə vəzifələrini təhlükəsiz, sərbəst və maneəsiz yerinə yetirmək hüququna riayət etməyə çağırır”.

Qeyd edək ki, ötən gecə "APA Group"un əməkdaşı Sənan Bəhrəmli Nizami rayonu, Davud Aslan küçəsində fəaliyyət göstərməyən ət kombinatının ərazisində plastik və taxta materiallar yığılmış sahədə baş vermiş yanğının işıqlandırılması üçün hadisə yerinə ezam olunub. Hadisə yerində özünü ərazinin mühafizəçisi kimi təqdim edən Heydər Sərdarov əməkdaşımıza xəsarət yetirib və şirkətin texniki avadanlığına zərər vurub.

Sherg.az xəbər verir ki, Mətbuat Şurasının yaydığı təbrikdə qəzetin Azərbaycanın müstəqillik dövrü mətbuatının formalaşması və inkişafındakı özünəməxsus roluna diqqət çəkilib.

Bildirilib ki, “Şərq” qəzeti 30 il ərzində ölkənin ictimai-siyasi və sosial həyatının işıqlandırılmasında, fərqli fikir və mövqelərin ifadəsində, oxucuların informasiya ehtiyaclarının qarşılanmasında fəal iştirak edib. Nəşrin mövzu rəngarəngliyi, ictimai məsələlərə həssas yanaşması və peşəkar jurnalistika prinsiplərinə sadiqliyi onun media məkanında özünəməxsus mövqe qazanmasına imkan verib.

Təbrikdə baş redaktor Akif Aşırlının milli mətbuat tarixinin araşdırılması və təbliği istiqamətindəki xidmətləri də xüsusi vurğulanıb. Onun təşəbbüsü ilə qəzetin nəzdində Azərbaycan Mətbuat Tarixi Muzeyinin yaradılması milli jurnalistika irsinin qorunması və gələcək nəsillərə çatdırılması baxımından mühüm təşəbbüs kimi qiymətləndirilib.

Mətbuat Şurası qeyd edib ki, “Şərq” qəzeti formalaşdığı gündən qoruduğu prinsiplərə sadiq qalaraq dəyişən media mühitinin tələblərinə uyğun fəaliyyətini davam etdirir. Nəşrin 30 illik fəaliyyəti həm də müxtəlif nəsillərdən olan jurnalistlərin yetişməsi və peşəkar təcrübə qazanması baxımından əlamətdardır.

Azərbaycan Mətbuat Şurasının İdarə Heyəti qəzetin kollektivinə və baş redaktor Akif Aşırlıya möhkəm cansağlığı, yaradıcılıq uğurları və gələcək fəaliyyətlərində yeni nailiyyətlər arzulayıb.

Türk dünyasının ortaq dil, mədəniyyət və tarixi yaddaşının qorunması Ankarada keçirilən beynəlxalq forumun əsas müzakirə mövzularından olub.

Sherg.az xəbər verir ki, Türkiyə Prezident Administrasiyasının Kommunikasiya İdarəsinin təşkil etdiyi “Türk Dünyası Dialoq Forumu” çərçivəsində “Qaspıralının izi ilə: Türk dünyasında dil, mədəniyyət və yaddaş” adlı panel təşkil olunub.

Ankarada keçirilən panel TÜRKSOY-un Baş katibi Sultan Raevin açılış nitqi ilə başlayıb. Müzakirəyə MHP sədrinin baş müşaviri, İsmayıl Qaspıralı Xarici Siyasət İnstitutunun rəhbəri, professor Esma Özdaşlı moderatorluq edib.

Paneldə “Şərq” qəzetinin baş redaktoru Akif Aşırlı ilə yanaşı, Qazaxıstan, Özbəkistan, Qırğızıstan və Şimali Kipr Türk Cümhuriyyətini təmsil edən alim, yazıçı və ictimai xadimlər iştirak ediblər.

Sultan Raev çıxışında İsmayıl Qaspıralının 1883-cü ildə Bağçasarayda nəşrinə başladığı “Tərcüman” qəzetinin türk xalqları arasında mədəni əlaqələrin qurulmasında mühüm rol oynadığını bildirib. Onun sözlərinə görə, Qaspıralının “Dildə, fikirdə, işdə birlik” ideyası bu gün də türk dünyasının ortaq düşüncə və əməkdaşlıq xəttinin əsas istiqamətlərindən biridir.

Baş katib türk dünyasının yalnız müasir siyasi sərhədlərlə məhdudlaşmadığını, geniş coğrafiyada formalaşmış ortaq sivilizasiya irsinə söykəndiyini vurğulayıb. O, tarixi yaddaşın qorunmasının yalnız keçmişi xatırlamaq deyil, həm də gələcək nəsillərə ortaq dəyərləri ötürmək baxımından əhəmiyyət daşıdığını qeyd edib.

Raev ortaq əlifba ilə bağlı təşəbbüslərlə yanaşı, dil tədrisinin, terminologiya birliyinin və nəşriyyat sahəsində əməkdaşlığın genişləndirilməsinin vacibliyinə diqqət çəkib. O bildirib ki, məqsəd yalnız eyni əlifbadan istifadə etmək deyil, türk xalqlarının bir-birinin ədəbiyyatını, elmi nailiyyətlərini və düşüncə dünyasını daha yaxından tanımasına nail olmaqdır.

Mədəniyyət və incəsənətin xalqlar arasında yaxınlaşmanın mühüm vasitəsi olduğunu bildirən Raev televiziya serialları, filmlər və musiqinin bəzən rəsmi təşəbbüslərdən daha geniş auditoriyaya təsir göstərdiyini söyləyib. O, Qaspıralının irsini yaşatmağın onun fikirlərini təkrarlamaqla deyil, yenilikçi düşüncəsini və fəaliyyət əzmini müasir dövrdə davam etdirməklə mümkün olduğunu vurğulayıb.

Akif Aşırlı ortaq terminologiyanın əhəmiyyətini vurğuladı

“Şərq” qəzetinin baş redaktoru Akif Aşırlı çıxışında İsmayıl Qaspıralının ortaq türk dili və əlifbası ideyasına verdiyi töhfələrdən danışıb. O, Qaspıralının qadınların da yazıçı kimi fəaliyyət göstərə bildiyi nəşrlərə yer verməsini və qadın hüquqlarını müdafiə etməsini xüsusi qeyd edib.

A.Aşırlı “Tərcüman” qəzetində müxtəlif coğrafiyalarda yaşayan türk xalqlarının anlaya biləcəyi ortaq dildən istifadə olunmasının tarixi əhəmiyyətinə toxunub. Bildirib ki, türk dünyasında dil birliyi istiqamətində aparılan müzakirələr XIX əsrə qədər uzanır və bu gün ortaq əlifba ilə yanaşı, ortaq terminologiyanın formalaşdırılması da prioritet olmalıdır.

Baş redaktor türk dilləri arasında söz mübadiləsinin artırılmasının, yazıçı və jurnalistlərin bu prosesə fəal töhfə verməsinin vacibliyini diqqətə çatdırıb. O, müasir dövrdə dezinformasiya və saxta xəbərlərin türk dünyasının birliyinə zərər vurmaq məqsədilə istifadə oluna biləcəyini də vurğulayıb.

A.Aşırlı media nümayəndələrini bu təhlükələrə qarşı daha məsuliyyətli mövqe tutmağa çağıraraq deyib: “Türk dünyasının birliyini pozmağı hədəfləyən təşəbbüslərə qarşı dayanmasaq, əsas vəzifəmizi yerinə yetirməyimizin heç bir mənası qalmaz”.

“Türküstan ədəbiyyatı” anlayışı müzakirə edildi

Yazıçı və jurnalist Uluqbek Orazbayulı Esdaulet Qazaxıstanla Türkiyə arasındakı münasibətlərin müxtəlif sahələrdə inkişaf etdiyini və bu əlaqələrin səmimi həmrəyliyə əsaslandığını bildirib.

O, İsmayıl Qaspıralının irsinin yalnız tarixi yaddaşda saxlanılmasının kifayət etmədiyini, bu ideyaların konkret hədəflərə çevrilməsinin vacibliyini qeyd edib. Esdaulet Əhməd Yəsəvi və Yunus Əmrənin yaradıcılığını ortaq türk mənəvi dünyasının ifadəsi kimi səciyyələndirib, ədəbiyyatda “Türküstan ədəbiyyatı” anlayışının genişləndirilməsinin əhəmiyyətinə toxunub.

Səmərqənd Dövlət Universitetinin professoru Juliboy Eltazarov isə türk birliyi məsələsinin 150 ildən artıqdır müzakirə olunduğunu bildirib. O, son 35 ildə Orta Asiyanın türk respublikalarında həyata keçirilən dil və yazı islahatlarının, tarixi yaddaşın bərpası istiqamətində görülən işlərin bu prosesin tərkib hissəsi olduğunu vurğulayıb.

Eltazarov milli ruhun cəmiyyətlərin inkişafında mühüm rol oynadığını qeyd edərək Türküstan coğrafiyasındakı ölkələrin milli şüurun formalaşdırılması istiqamətində həyata keçirdikləri islahatlardan danışıb.

Beynəlxalq Kantörö Şaripoviç Toktomamatov Universitetinin professoru Elmira Huribayeva türk xalqlarının ortaq mədəni kimliyinin qorunmasının əhəmiyyətini önə çəkib. O, ortaq ənənələrin xalqlar arasında qarşılıqlı anlaşmanı, həmrəyliyi və yardımlaşmanı gücləndirdiyini bildirib, türk xalqlarının dastan və dil irsindən nümunələr təqdim edib.

TDT Ağsaqqallar Şurasının Şimali Kipr Türk Cümhuriyyəti üzrə nümayəndəsi Oktay Öksüzoğlu isə çıxışında Kipr türklərinin milli kimliyini və dilini qorumaq uğrunda mübarizəsinə toxunub. O, türk olmaq ümidinin söndürülməsinə yönələn cəhdlərin nəticə vermədiyini, Kipr türk xalqının yaşadığı çətinliklərə baxmayaraq, dilindən və kimliyindən imtina etmədiyini vurğulayıb.

Forum çərçivəsində səsləndirilən fikirlər bir daha göstərib ki, İsmayıl Qaspıralının irəli sürdüyü ortaq dil və mədəni birlik ideyaları türk dünyasının müasir əməkdaşlıq gündəliyində aktuallığını qoruyur.

APA-nın Türkiyə bürosu xəbər verir ki, Zelenski bu barədə “CNN Türk” telekanalına müsahibəsində danışıb.

O, danışıqların başlanması üçün çevik hərəkətə keçməyin vacibliyini vurğulayıb. Xüsusilə Qara dənizdə təhlükəsizliyin təmin edilməsinin əhəmiyyətinə diqqət çəkib.

Zelenskinin sözlərinə görə, Qara dənizdə təcili olaraq təhlükəsiz dəhliz açılmalıdır. O, hazırda 4 gəminin Rusiya hücumlarına məruz qaldığını bildirib.

“Prezident Ərdoğan bu məsələləri Rusiya tərəfi ilə müzakirə edəcək. Bunun hansı formatda, necə və nə vaxt keçiriləcəyi, əlbəttə ki, Prezidentin öz qərarından asılıdır”, – deyə Zelenski qeyd edib.

Axar.az xəbər verir ki, bunu ABŞ Prezidenti Donald Tramp jurnalistlərə açıqlamasında deyib.

"Biz onların nüvə imkanlarını əllərindən almışıq. Hələ də, belə deyərdim, diqqət yetirməli olduğumuz bir-iki obyekt qalıb, amma biz bunu 10 dəqiqə ərzində edə bilərik", – ABŞ prezidenti əlavə edib.

30 ili tamam edəcəyimizi də bilmirəm. Taleyi yazan yazıb. Dəqiq bildiyim budur ki, «Şərq» 30 ildə ləyaqət yolu keçdi. Şərəf yolu keçdi. Vicdan yolu keçdi. Mübarizə, mücadilə yolu keçdi. Milli məfkurədən bir an belə dönmədi. Dövlətçiliyə sadiq qaldı. Milli dəyərlərə sadiq qaldı. Həsən bəy Zərdabi qarşısında üzümüzün qara olmadığı, alnımızın açıq olduğu dəqiqdir. Mübaliğəsiz. Bunu hər kəs bilsin!

«Şərq» büdrəyə-büdrəyə yeriməyi, ayaqda durmağı öyrəndi. Və ən əsası – öyrənə-öyrənə öyrətdi. Sınaqlardan, çətinliklərdən dərs aldı, dərs keçdi. Yüzlərlə insana. Əlimizdən tutan... Elə özümüz idik. Bir-birimizə kilidləndik, əl-ələ verdik və bu 30 ildə «Şərq»lə əl-ələ verənlər sıraya düzülsə, vallah, nə bilim, görəsən, neçə kilometrlik yol alınar? Hər halda, Azərbaycan Nəşriyyatının binasından «Elmlər Akademiyası» metrostansiyasınadək uzanar, yəqin.

«Şərq» heç vaxt yolundan dönmədi, əksinə, yol açdı! Milli mətbuat necə olmalıdır - düstur yazdı, düsturu da özü həll etdi. «Şərq»in qurucusu Akif Aşırlı qayım-qədim dostu, milli mətbuatda bir cərgədə dayandığı, sədaqətinə və vicdanına bələd olduğu Yusif Nəzərli ilə yola çıxdı. «Şərq» adlı bir ocaq qaladılar. Ay Allah, nə qədər insan – jurnalist, qeyri-jurnalist, içi mən qarışıq – bu ocağın od-alovuna yığışdı. Hər bir əməkdaş bu ocağa «kömür» atdı. Çalışdıq, əzm göstərdik, yorulduq, amma qəzet səhifəsində yazılarımızı görəndə sevindik, xüsusən manşetdə olanda lap çox sevinirdik (manşetə kimin yazısı çıxacaq uğrunda əsl mübarizə gedirdi «Şərq»də). Bu sevinc və zəhmətimizin halal qazancı yorğunluğumuzu silib-süpürürdü.

Bu günün mediasından danışmayacağam. Nə var ki, nə də danışım? Mətbuatımızın «fatihəsi» «media» adlanandan oxunmağa başlanıb. Nə edək ki, biz – «Şərq» bu sevdadan əl çəkə bilmirik. Füzuli deyir: «Sorun kim, bu nə sevdadır, bu sevdadan usanmazmı?» Usanmadıq! Sevdamıza sahib çıxdıq. Onu tərk etmədik. Bu, ilk məhəbbət kimidir. Həzin, şirin, unudulmaz və... əzablı deməyim, əziyyətli! Çünki əziyyətli günlərlə bərabər sevincli, fərəhli, şən günlərimiz də çox olub.

Yadımdan çıxmayacaq bir hadisə – ötən əsrdə satış və tirajına görə «Şərq»dən öndə olan qəzeti həm tirajda, həm də satışda üstələmişdik. Akif müəllim Fazilə xanıma tapşırdı: «Yemək hazırla, uşaqlar üçün süfrə açaq, qeyd edək». «Şərq»də hamının – rəhbərlikdən xadiməyədək hər bir əməkdaşın – süfrə başına yığışmasının təməli belə qoyuldu.

Həftəlikdən gündəliyə keçdik, zaman yetişdi, saytımız da fəaliyyətə başladı, veb-səhifəmiz də, YouTube kanalımız da. Bu gün video-reelslərə keçmişik... Sonrası nə olacaq, bilmirik. Bildiyimiz budur ki, «Şərq» adlı evimiz, ocağımız var. Bu gün ocağımız zəif yansa da, təbii ki, bu, bizdən asılı olmayan səbəblərdəndir. Amma yanır o ocaq.

Çox yazmaq istəmirdim, oxumaq həvəsi qalmayıb insanlarda. Bacarmadım. Mənim üçün doğma olan «Şərq»dən qısa yazsam, əzizim "Şərq" inciyərdi.

Hə, məni «Şərq»in yoluna salan əziz həmkarımız Rasim Mustafaoğluna xüsusi təşəkkür edirəm. «Şərq»in 7-ci mərtəbəsindəki qapısını açdım, içəri keçdim və daha başqa qapı tanımadım. Bu sədaqət də məndən gəlsin. Niyə? Çünki özümü tam realizə edə bilirdim. Elə bir sərbəst yaradıcılıq mühiti vardı ki, «Şərq»də başqa qapıya ehtiyac qalmadı.

Ocaq məsələsinə qayıdım, yazımın məğzi ondadır. «Şərq» redaksiyası, əminliklə deyirəm, yeganə redaksiyadır ki, hər iş günü əməkdaşlar nahar vaxtı süfrə başına toplaşırdılar. Bu, Akif müəllimin sayəsində idi. Hər gün redaksiyada yemək bişirilirdi və hamı bir nəfər kimi masa arxasında əyləşməli idi. Akif müəllim hamını adbaad çağırırdı: «Uşaqlar, gəlin!» Kim gecikirdisə, «Yazım var, qurtarım», – deyirdi. Akif müəllim isə əsəbiləşirdi – ailə üzvləri nahara gəlməyəndə acıqlanan atalar kimi. Və bilirsiniz, nə deyirdi? «Ay uşaqlar, bu sizin pulunuzdur, redaksiyanın puluna alınıb bu ərzaqlar». Bunu ona görə deyirdi ki, kimsə çəkinməsin.

Bu, bizim «Şərq»in həqiqi ocağı idi. Hər gün yanırdı, bütün «Şərq» ailəsini masa ətrafına toplayırdı. O masada mövzular da müzakirə olunurdu, yazılar da. Gənc tələbələrə – hansı ki, «Şərq» onlara həqiqi məktəb oldu – yarım saatlıq müddətdə yenə də dərs keçilirdi. Belə hesab edirəm ki, jurnalistika fakültəsinin illər ərzində edə bilmədiyini «Şərq» edib. Nə qədər gənc tələbəyə işləmək, təcrübə toplamaq üçün geniş müstəvi verib. Akif müəllim də, Yusif müəllim də nəhəng jurnalist ordusu yetişdirdiklərini fəxrlə söyləyə bilərlər!

Bu gün 30 yaşımız tamam oldu. Bəli, əsrin onda biri!

Ocağımızı söndürməyə çalışanlara nə deyə bilərik? Milli mətbuatın dəyərini yaxşı bilin, öyrənin. Nəyi nəyə qurban verirsiniz, yaxşı-yaxşı baxın, dərindən düşünün. Əgər düşünmək istəyirsinizsə. İstəmirsinizsə, özünüz bilərsiniz.

Biz missiyamızı layiqincə yerinə yetirmişik. Nə qədər imkan verəcəksinizsə, yenə də yerinə yetirəcəyik. Biz yolundan dönməyən kəslərik. Pulumuz az ola bilər, amma ləyaqətimiz yetərincədir. Milli dəyərləri, milli mətbuatımızı qorumaq bizim vəfa borcumuzdur – bu dəyərləri yaradan uca Xalqımıza!

Bu barədə Daxili İşlər Nazirliyinin mətbuat xidmətindən məlumat verilib.

Qeyd edilib ki, faktla bağlı Cinayət Məcəlləsinin müvafiq maddəsi üzrə cinayət işi başlanılıb, istintaq gedir.

***

saat 12.22

Noyabrın 1-də səhər saatlarında Nizami rayonu, Davud Aslan küçəsində baş vermiş yanğın hadisəsini işıqlandıran “APA Group”un əməkdaşına qarşı fiziki zor tətbiq edilməsi və onun peşə fəaliyyətinə mane olunması barədə polisə məlumat daxil olub.

Daxili İşlər Nazirliyinin mətbuat xidmətindən APA-ya verilən məlumatda bildirilib ki, araşdırmalarla müəyyən edilib ki, həmin obyektdə mühafizəçi vəzifəsində çalışan Heydər Sərdarov “APA Group”un əməkdaşına müxtəlif dərəcəli xəsarətlər yetirib, onun peşə fəaliyyətini həyata keçirməsinə mane olub.

Polis tərəfindən müvafiq tədbirlər görülüb, hadisəni törədən şəxs saxlanılıb.

Faktla bağlı araşdırma aparılır, xəsarətlərin dərəcəsinin müəyyən edilməsi üçün məhkəmə-tibbi ekspertizası təyin edilib.

Qeyd edək ki, ötən gecə "APA Group"un əməkdaşı Sənan Bəhrəmli Nizami rayonu ərazisindəki taxta bazarında baş vermiş yanğının işıqlandırılması üçün hadisə yerinə ezam olunub. Hadisə yerində özünü ərazinin mühafizəçisi kimi təqdim edən Heydər Sərdarov əməkdaşımıza xəsarət yetirib və şirkətin texniki avadanlığına zərər vurub.

Bu barədə Sherg.az-a Milli Hidrometeorologiya Xidmətindən məlumat verilib.

Havanın temperaturu gecə 13-16° isti, gündüz 18-20° isti olacaq. Atmosfer təzyiqi 767 mm civə sütunu olacaq. Nisbi rütubət gecə 70-75 %, gündüz 60-65 % olacaq.

Azərbaycanın rayonlarında hava şəraiti əsasən yağmursuz olacaq. Lakin gündüz bəzi yerlərdə arabir yağış yağacağı gözlənilir. Ayrı-ayrı yerlərdə qısamüddətli intensiv olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var. Bəzi yerlərdə arabir duman. Şərq küləyi əsəcək.

Havanın temperaturu gecə 11-16° isti, gündüz 18-22° isti, dağlarda gecə 5-10° isti, gündüz 12-17° isti olacaq.

Bu barədə APA-nın sorğusuna cavab olaraq Azərbaycan Qida Təhlükəsizliyi Agentliyindən məlumat verilib.

İlkin araşdırmalara əsasən, Agentliyin əməkdaşları tərəfindən restoranda keçirilən yoxlama zamanı müəssisənin ümumi sanitar-gigiyenik vəziyyətinin qənaətbəxş olmadığı, qida məhsullarının emalı və saxlanılması zamanı nöqsanlara və çarpaz çirklənmə risklərinə yol verildiyi müəyyən edilib. Nümunələr götürülərək laborator müayinələrə cəlb olunub.

Araşdırmalar davam etdirilir.

Teleqraf xəbər verir ki, məktubda deyilir:

"Hörmətli cənab Prezident,

Əziz Qardaşım,

1 Noyabr – İnqilab Günü münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.

Bu tarixi gün Əlcəzair xalqının azadlıq və müstəqillik uğrunda apardığı mübarizənin, sarsılmaz iradəsinin, böyük qəhrəmanlığının və milli birliyinin əbədi rəmzidir.

Azərbaycan ilə Əlcəzair arasında ənənəvi dostluq və qardaşlıq münasibətlərinin hazırkı səviyyəsi məmnunluq doğurur.

İnanıram ki, qardaş xalqlarımızın maraqlarına uyğun olaraq əlaqələrimizin daha da genişləndirilməsi, qarşılıqlı faydalı əməkdaşlığımızın bundan sonra da inkişaf etdirilməsi üçün birgə səylər göstərəcəyik.

Belə bir əlamətdar gündə Sizə möhkəm cansağlığı, xoşbəxtlik, işlərinizdə uğurlar, qardaş Əlcəzair xalqına daim əmin-amanlıq və firavanlıq arzulayıram".

Sherg.az xəbər verir ki, görüş oktyabrın 30-da “Manama Dialoqu” beynəlxalq forumu çərçivəsində baş tutub.

Tərəflər Ermənistan-Azərbaycan sülh prosesi, beynəlxalq tərəfdaşların rolu və Yaxın Şərqdəki vəziyyət barədə də fikir mübadiləsi aparıblar.

Teleqraf xəbər verir ki, bu barədə İran Xarici İşlər Nazirliyinin bəyanatında bildirilib.

Bəyanata görə, İran MI6-nı İsrail və digər düşmən hesab etdiyi ölkələrlə əməkdaşlıqda, eləcə də casusluq fəaliyyətində ittiham edir.

İran tərəfi bu qərarın Böyük Britaniyanın son bir ildəki addımlarına cavab olduğunu bildirib. Tehranın iddiasına görə, London ABŞ və İsrailin İrana qarşı hərbi əməliyyatları zamanı öz ərazisindəki hərbi bazalardan və digər obyektlərdən istifadəyə şərait yaradıb.

Qərarda Böyük Britaniyanın bu il iyulun 13-də İran İslam İnqilabı Keşikçiləri Korpusunu (SEPAH) terror təşkilatları siyahısına daxil etməsi də nəzərə alınıb.

İran Xarici İşlər Nazirliyi bildirib ki, Britaniyanın hərbi dəniz və hava qüvvələrinin terror təşkilatı elan edilməsi SEPAH-a qarşı qəbul edilmiş qərara cavabdır. Tehran yaranacaq nəticələrə görə bütün məsuliyyətin Britaniya hökumətinin üzərinə düşdüyünü bəyan edib.

Teleqraf xəbər verir ki, 19 yaşlı vingerin iki qolu Kataloniya təmsilçisinin 6:1 hesablı qələbəsinə töhfə verib.

Beləliklə, Yamalın La Liqada vurduğu qolların sayı 40-a çatıb. O, bununla da son 30 ildə 20 yaşına çatmamış futbolçular arasında Avropanın 5 aparıcı liqasında ən çox qol vuran oyunçuların siyahısında ikinci pilləyə yüksəlib. İspaniyalı futbolçu bu göstəricidə Maykl Ouenlə eyni nəticəyə malikdir.

Rekord isə Kilian Mbappeyə məxsusdur. Fransa millisinin hücumçusu 20 yaşına qədər 41 qol vurub. Gələn ilin iyulunda 20 yaşı tamam olacaq Yamalın bu göstəricini yeniləmək üçün kifayət qədər vaxtı var.

Gənc futbolçu cari mövsüm La Liqada 11 oyunda 10 qol vurub və 7 məhsuldar ötürmə edib. O, bombardirlər yarışında komanda yoldaşı Rafinyadan (15 qol) və “Real Madrid”in hücumçusu Kilian Mbappedən (11 qol) geri qalır.

Yamalın bu mövsüm bütün turnirlərdəki göstəricisi isə 14 matçda 12 qol və 11 məhsuldar ötürmədir.

Teleqraf xəbər verir ki, bu barədə nazirliyin "X" hesabında paylaşım edilib.

"Əlcəzair Xalq Demokratik Respublikasının Milli Günü münasibətilə Əlcəzair xalqını və Hökumətini səmimi qəlbdən təbrik edirik! Milli Gününüz mübarək!", - paylaşımda bildirilib.

Sherg.az xəbər verir ki, açıqlamada deyilir:

"Oktyabrın 31-dən noyabrın 1-nə keçən gecə Bakının Nizami rayonunda yerləşən taxta bazarında baş vermiş güclü yanğın hadisəsini işıqlandıran APA TV-nin müxbiri Sənan Bəhrəmli fiziki hücuma məruz qalıb.

Özünü mühafizəçi kimi təqdim edən, sonradan şəxsiyyəti Heydər Sərdarov olaraq müəyyənləşdirilən şəxs jurnalistə fiziki xəsarət yetirib, onu ağır ifadələrlə təhqir edib və APA TV-yə məxsus texniki avadanlığa zərər vurub.

Təəssüf ki, bu, son günlər jurnalistlərin peşə fəaliyyətinə maneçilik törədilməsi ilə bağlı ilk hadisə deyil. Bir neçə gün əvvəl REAL TV və Space TV-nin əməkdaşları da xidməti vəzifələrini yerinə yetirərkən oxşar halla üzləşiblər. Hüquq-mühafizə orqanlarının müdaxiləsi nəticəsində həmin hadisəni törədən şəxslər saxlanılıb.

Bu tipli hadisənin yenidən peşə fəaliyyətini yerinə yetirən APA TV əməkdaşına qarşı baş verməsi təəssüf və narahatlıq doğurur.

Jurnalistlərin ictimai əhəmiyyətli hadisələri işıqlandırmaq, cəmiyyəti operativ və obyektiv məlumatlandırmaq hüququ qanunla qorunur.

Heç bir şəxs, tutduğu vəzifədən və ya çalışdığı qurumdan asılı olmayaraq, jurnalistin qanuni peşə fəaliyyətinə mane olmaq, ona fiziki və ya psixoloji təzyiq göstərmək hüququna malik deyil.

Xüsusilə qeyd edirik ki, Sənan Bəhrəmli uzun illərdir peşəkar media fəaliyyəti ilə məşğul olan, xüsusilə hadisə yerlərində çalışan təcrübəli əməkdaşımızdır. O, hadisə yerində, o cümlədən yanğın zamanı necə işləməyi, hansı məsafədə dayanmağı, yanğın və digər hadisələrin çəkilişi zamanı təhlükəsizlik qaydalarına əməl etməyi çox yaxşı bilir.

Onu da qeyd edək ki, yanğın baş verən ərazidə onlarla şəxs olub və onlar hadisə yerindən sosial şəbəkələrdə canlı yayımlar həyata keçiriblər.

Biz hüquq-mühafizə orqanlarının və digər aidiyyəti dövlət qurumlarının Sənan Bəhrəmliyə qarşı törədilmiş hücumu hərtərəfli və obyektiv araşdıracağına, jurnalistə hücum edən, onun peşə fəaliyyətinə qanunsuz maneçilik törədən şəxsin əməllərinə sərt hüquqi qiymət verəcəyinə və qanunvericiliyə uyğun olaraq ciddi şəkildə cəzalandırılmasını təmin edəcəyinə ümid edirik".

Bu barədə “Wall Street Journal” məlumat yayıb.

Xatırladaq ki, Donald Tramp dünən günün sonunda Palm-Biçdə jurnalistlərə açıqlamasında ABŞ-ın İranda daha iki hədəfi məhv etmək istədiyini bildirib.

“Bizim hələ həll etməli olduğumuz, deyərdim ki, bir və ya iki obyekt var, lakin bunu 10 dəqiqə ərzində edə bilərik. Yəqin ki, “Pickaxe Mountain” obyektinə də nəzər sala bilərsiniz və onu da həll etmək lazımdır”, – deyə o bildirib.

Tramp İranla danışıqların “yaxşı getdiyini” də bildirib, lakin Tehranın “o qədər də etibarlı olmadığını” qeyd edib.

APA xəbər verir ki, oktyabrın 31-dən noyabrın 1-nə keçən gecə Nizami rayonunda yerləşən taxta bazarında baş vermiş yanğını işıqlandırmaq üçün hadisə yerinə ezam olunmuş APA TV-nin müxbiri Sənan Bəhrəmliyə qarşı zorakılıq edilib.

Peşə fəaliyyətini yerinə yetirən jurnalistə özünü mühafizəçi kimi təqdim edən şəxs hücum edib.

Əvvəlcə şəxsiyyətini açıqlamaqdan imtina edən həmin şəxs Sənan Bəhrəmliyə fiziki xəsarət yetirib, onu ağır söyüşlərlə təhqir edib və APA TV-yə məxsus texniki avadanlığa zərər vurub.

Sonradan APA TV tərəfindən aparılan dəqiqləşdirmə nəticəsində jurnalistə hücum edən şəxsin Heydər Sərdarov olduğu müəyyənləşdirilib.

Hadisə yerində olan polis əməkdaşlarının müdaxiləsi nəticəsində H. Sərdarov ərazidən uzaqlaşdırılıb.

Polis hadisə ilə bağlı Sənan Bəhrəmlidən ilkin ifadə alıb.

Teleqraf xəbər verir ki, bu barədə “Hart van Nederland” portalı məlumat yayıb.

Məlumata görə, saxlanılanların böyük əksəriyyəti Niderlandın müxtəlif bölgələrindən gələn yetkinlik yaşına çatmayan şəxslərdir. Onlar zorakılıqda iştirak etməkdə, qadağan olunmuş pirotexniki vasitələrdən istifadə etməkdə, eləcə də üzü gizlədən geyimlərin qadağan edilməsini pozmaqda şübhəli bilinirlər.

Toqquşmalar zamanı etirazçılar polis əməkdaşlarına yanan pirotexniki vasitələr atıblar. Nəticədə bir polis əməkdaşı xəsarət alıb və eşitmə qabiliyyətində problem yaranması ehtimalı ilə xəstəxanaya yerləşdirilib. Polis mağazaların talan edilməsinin və vandalizm hallarının qarşısını ala bilib.

Haaqa Sahibkarlar Birliyinin rəhbəri Bas Vinkler bildirib ki, gücləndirilmiş təhlükəsizlik tədbirləri biznesə ciddi maliyyə zərəri vurur. Xüsusilə mağazaların vitrinlərinin faner lövhələrlə bağlanması və bir sıra ticarət obyektlərinin fəaliyyətini müvəqqəti dayandırması sahibkarların itkilərinə səbəb olub. Zərərin bir neçə min avroya çata biləcəyi bildirilir.

"Report" xəbər verir ki, bu barədə ölkə prezidenti Rəcəb Tayyib Ərdoğanın imzaladığı qərar "Resmi Gazete"də yayımlanıb.

Qərara əsasən, Vergi Yoxlama Şurasının sədri Möhsün Atçı Kapital Bazarları Şurasının yeni sədri təyin olunub.

Qeyd edək ki, şuranın keçmiş sədri Mahmud Südçü birjada manipulyasiya skandalı fonunda vəzifədən kənarlaşdırılmışdı.

O qeyd edib ki, Vaşinqton Ukrayna ilə bağlı danışıqlarda müəyyən irəliləyişlər əldə edildiyini dəfələrlə bəyan etsə də, münaqişənin tezliklə başa çatacağını iddia etmir.

“Düşünmürəm ki, burada kimsə münaqişənin həllinin astanasında olduğumuzu söyləyir”, - deyə Rubio bildirib. Sherg.az xəbər verir ki, onun sözlərini "DWS News" yayıb.

Bu arada Ukrayna prezidenti Volodimir Zelenski ABŞ prezidenti Donald Trampı Rusiyaya kifayət qədər təzyiq göstərməməkdə ittiham edib. O, Vaşinqtonu Moskvaya qarşı daha sərt məhdudiyyətlər tətbiq etməyə çağırıb. Zelenskinin sözlərinə görə, Kiyev ABŞ-dan Rusiyanın açıq şəkildə pislənilməsini gözləyir.

Day.Az xəbər verir ki, bu barədə Günəş Astronomiyası Laboratoriyası (XRAS) məlumat yayıb.

Alimlərin bildirdiyinə görə, Günəş küləyinin güclənməsinə baxmayaraq, hələlik maqnit qasırğası qeydə alınmayıb.

Xüsusilə Yerə yaxın kosmik fəzada plazmanın temperaturu təxminən 30 min dərəcədən 200 min dərəcəyədək yüksəlib. Bundan əlavə, planetin gecə saatlarında Günəşdəki tac dəliyindən yayılan plazma axınının təsirinə düşəcəyi gözlənilir.

Astrofiziklər bildirirlər ki, tac dəliyi kifayət qədər böyük ölçülərə malikdir. Buna görə də onun kosmik havaya təsiri daha 2-3 gün davam edə bilər.