Yayın istisində insanı sərinlədəcək içkiyə kim yox deyər? Əsas tərkibi də elə yayın ən sevilən meyvəsi olan qarpızdırsa... Evdə asanlıqla hazırlaya biləcəyiniz bu qarpıza çayı resepti ilə həm sərinləyəcək, həm də sağlam bir alternativlə tanış olacaqsınız.
Tərkibi:
2 stəkan doğranmış qarpız
2 ədəd çay paketciyi (qara çay və ya istədiyiniz bitki çayı)
1 litr isti su
Yarım limonun suyu
1 çay qaşığı bal və ya bir neçə damcı steviya (istəyə görə)
Buz küpləri
Təzə nanə yarpaqları
Hazırlanması:
Əvvəlcə çayı 1 litr isti suda 5-6 dəqiqə dəmləyib soyudun. Qarpızı blenderdən keçirib püre halına gətirin, çəyirdəkləri təmizləyin.
Soyuyan çayı böyük bir sürahiyə töküb üzərinə qarpız püresini, limon suyunu və bal/steviyanı əlavə edib yaxşıca qarışdırın. Daha aydın içki üçün qarpız püresini süzə bilərsiniz, amma lifli quruluş içkiyə xüsusi dad qatar.
Süfrəyə vermə:
Hazırladığınız qarpız çayını buzla dolu stəkanlarda təqdim edin. Üzərinə nanə yarpaqları əlavə etmək həm dad, həm də vizual cəhətdən gözəl təsir bağışlayacaq. İstəsəniz, nazik doğranmış limon və ya qarpuz dilimləri ilə bəzəyə bilərsiniz.
