Türkiyənin Dənizli şəhərində yaşayan 11 yaşlı Bəkir Yatkına, 2023-cü ildə xroniki böyrək çatışmazlığı diaqnozu qoyulub. Dializ mərhələsinə çatmadan əvvəl böyrək nəqli qərarı verilib. Babası Bəkir Yatkın (63), uyğunluq testlərindən sonra öz böyrəyini nəvəsinə verib. Əməliyyat Akdeniz Universiteti xəstəxanasında uğurla həyata keçirilib.
Sherg.az xəbər verir ki, nəvə Bəkir əməliyyatdan sonra babasının sevgisini bir daha hiss etdiyini, böyrəyə “öz böyrəyi kimi” qulluq edəcəyini, bu hədiyyəni heç vaxt unutmayacağını bildirib.
Babası Bəkir Yatkın isə bunları deyib: “Nəvəm ömrü boyu bu böyrəklə yaşayacaq. Dediyim kimi, böyrəyi əmanət kimi yox, öz böyrəyi kimi qoruyacaq” deyib.
İlk olaraq böyrəyi vermək üçün özünün iradə göstərdiyini, digər ailə üzvlərinin təklifini rədd etdiyini qeyd edib.
Prof. Dr. İsmail Demiryılmaz əməliyyatı şərh edərək bildirdi ki, dializ almadan canlı donor böyrək nəqli xəstənin daha sürətli bərpası üçün üstünlükdür. O həmçinin vurğuladı ki, mövcud beyin ölümü hallarının yalnız 18–20%-i orqan bağışlanmasına çevrilir, yəni orqanların təxminən 80%-i istifadə olunmadan torpağa gedir.
Bu əməliyyat həm ailə, həm də tibbi baxımdan duyğusal və uğurlu bir hadisə olub.
