42 ölkədə təxminən 150 min uşaq üzərində təhqiqat aparılıb
Həmişə deyilib ki, səhər yeməyi mütləqdir. Bunu uzmanlar, qida mütəxəssisləri və həkimlər də dönə-dönə vurğulayır. Amma nə fayda? Buna barmaqarası yanaşanlar çoxdur. Budur yeni bir araşdırmanın nəticələri deyilənləri təsdiqləyir.
Sherg.az xəbər verir ki, Ruskin Universiteti (ARU) və "Universidad de las Americas" tərəfindən 42 ölkədə təxminən 150 min uşaq üzərində aparılan araşdırma səhər yeməyinin əhəmiyyətini bir daha ortaya qoyub. Ruskin Universitetinin ictimai sağlamlıq professoru Lee Smithin rəhbərlik etdiyi araşdırmaya görə, səhər yeməyini tez-tez atlayan uşaqlar, müntəzəm səhər yeməyi yeyən yaşıdlarına nisbətən daha az həyat məmnuniyyətinə malikdirlər. Mütəxəssislər tədqiq edilən ölkələrdə 10-17 yaş arası uşaq və yeniyetmələr arasında daha tez-tez səhər yeməyi istehlakı ilə daha çox həyat məmnuniyyəti arasında demək olar ki, xətti əlaqə aşkar ediblər.
Həyatdan məmnunluğun ən sağlam hissəsi hər gün səhər yeməyi yeyən iştirakçılarda müşahidə olunub. Digər tərəfdən, heç səhər yeməyi yeməyənlər həyatdan məmnunluq səviyyəsinin ən aşağı olduğunu qeyd ediblər. Bu araşdırmada bütün dünyada yemək vərdişlərinin mədəni müxtəlifliyi də aşkar edilmişdir. Xüsusilə, hər gün səhər yeməyi yeyən Portuqaliyalı uşaqlar həyatdan ən yüksək məmnuniyyətlə seçilərkən, əksinə, ən aşağı həyat məmnuniyyəti heç səhər yeməyi yeməyən Rumıniyalı uşaqlar arasında müşahidə olunub.
