İngiltərənin Linkoln şəhərində yaşayan 30 yaşlı Jasmin Hyde bir ildə təxminən 80 kilo verərək ilham verici bir dönüşüm yaşadı. Heç bir dərman və ya əməliyyat olmadan bu məqsədə çatdı və sirrini belə bölüşdü:
Sherg.az xəbər verir ki, bir il əvvəl çəkisi 139 kilo olan Hyde 2024-cü ilin aprelində həyat tərzini kökündən dəyişməyə qərar verdi. İndi çəkisi 59 kq-dır. Bu yol bəzən çətin olsa da, ona inanan və dəstək verən insanların mövcudluğu onu motivasiya etdi.
Polikistik over sindromu diaqnozu ilə üzləşən Hyde, sağlamlığı üçün bədən kütlə indeksini azaltmalı idi. Keçmişdə çəkisi gündəlik həyatını məhdudlaşdırır, sosial həyatdan uzaqlaşdırırdı.
İndi isə səhər evdən gülərək çıxır, geyinmək, alış-veriş etmək və özünə qulluq etməkdən zövq alır. Həyata baxışını da dəyişdirib, at sürmək və sosial fəaliyyətlərə qatılmaq onu xoşbəxt edir.
Ən vacib dəyişiklik evdə sağlam yemək bişirməyə başlaması və fiziki fəaliyyətini artırması oldu.
Bu iki əsas dəyişiklik sayəsində həm kilo verdi, həm də sağlamlığı yaxşılaşdı. Sadə amma davamlı dəyişikliklər Jasmin Hyde üçün böyük uğur gətirdi.
