Soyuq hava yalnız dərini deyil, saç sağlamlığına da mənfi təsir edir. Qış aylarında saç telləri daha tez quruyur, qırılır və tökülmə şikayətləri artır. Mütəxəssislərə görə, bu vəziyyətin əsas səbəbi həm mövsümi dəyişikliklər, həm də qapalı məkanlarda istifadə olunan istilik cihazlarının saçdakı rütubəti azaltmasıdır.
Sherg.az xəbər verir ki, evdə tətbiq oluna biləcək təbii baxım üsulları ilə saç tökülməsini yavaşlatmaq mümkündür.
Isırğan çayı ilə edilən saç tuşu, saç dərisini bəsləyərək kökləri canlandırır. Mütəmadi tətbiq edildikdə saçların daha güclü və parlaq görünməsinə kömək edir.
E vitamini ilə zəngin badam yağı, saç tellərinin elastikliyini artırır. Həftədə bir dəfə saç dərisinə masaj edərək tətbiq etmək həm tökülməni azaldır, həm də saçların daha tez uzanmasına yardımçı olur.
Soğanın tərkibindəki kükürd, saç köklərini stimullaşdıraraq yeni saçların əmələ gəlməsini dəstəkləyir. Saç dərisinə nazik təbəqə kimi sürtülüb 15 dəqiqə saxlanılan soğan suyu, xüsusilə mövsümi tökülmələrdə təsirli ola bilər.
Əzilmiş avokadoyu bir neçə damcı zeytun yağı ilə qarışdıraraq hazırlanan saç maskası, quruyan telləri nəmləndirir. Bunun sayəsində saçlar daha canlı və sağlam görünüş əldə edir.
