Türkiyənin İzmir şəhərində 90 yaşlı xəstənin yaşı və səhhətindəki problemlərə baxmayaraq, uğurlu əməliyyatla qarnından təxminən 11 kiloqramlıq şiş çıxarılıb.
Sherg.azxəbər verir ki, Karabağlar rayonunda yaşayan, 6 uşaq və 20 nəvəsi olan Şerife Demirkıran keçən il şiddətli qarın ağrısı şikayətləri ilə xəstəxanaya müraciət etmişdi.
Qadının qarnında kütlə diaqnozu qoyulub və dərman qəbul etməyə başlayıb, lakin kütlə sürətlə böyüməyə davam edib. Nəfəs almaqda çətinlik çəkən 90 yaşlı xəstə ötən ay İzmir Atatürk Təhsil və Araşdırma xəstəxanasına müraciət edib.
Ümumi cərrahiyyə mütəxəssisi Prof. Dr. Osman Nuri Dilek, xəstənin yaşı, ürək və təzyiqlə bağlı xəstəliklərə görə əməliyyatın çox riskli olduğunu, lakin əməliyyat edilmədikdə həyati təhlükənin də olduğunu müəyyən edib.
Dilek xəstənin və yaxınlarının razılığı ilə riskli əməliyyata qərar verib. İki saat davam edən əməliyyatda Demirkıranın qarnını əhatə edən təxminən 11 kiloqram ağırlığında və 30 santimetr enində olan kütlə çıxarılıb.
Sağlamlığını bərpa edən xəstə evə buraxılıb.
Şerife Demirkıran jurnalistlərə sağaldığı üçün xoşbəxt olduğunu deyib.
Ağrıları səbəbindən çətin günlər keçirdiyini bildirən Demirkıran həkimlərinə təşəkkür edib.
Dəmirkıranın qızı Məcnun Çınar da anasının sağalmasından xoşbəxt olduğunu bildirib.
Əməliyyatı aparan Prof. Dr. Nuri Dilek xəstəxanaya gələndə Demirkıran üçün ölüm təhlükəsi olduğunu da bildirib.
Bu prosesdə tez qərarlar vermənin vacib olduğunu qeyd edən Dilek, "Əvvəlcə əməliyyat çox riskli olduğu üçün həyata keçirilə bilmədi. Bizə son gələndə bunu qiymətləndirdik. Riskləri çox yüksək idi. Ürəyinə görə də vəziyyəti pis idi. Əvvəlcə əməliyyat etməkdən qorxurduq. Amma xəstənin şikayətləri artdığı üçün qərar verməli olduq, çünki əməliyyatı aparmasaq, vəziyyəti daha da ağırlaşacaqdı" deyə bildirib
Kütlənin mədənin xarici divarından qaynaqlandığını gördüklərini ifadə edən Dilek, daha sonra deyib:
"Təxminən 11 kilo 30 santimetr böyüklüyündə, bütün qarın boşluğunu dolduran bir kütlə idi. Şişi çıxardıq, xəstəmizi üçüncü gün reanimasiyadan çıxartdıq. Vəziyyəti yaxşıdır. Ağızdan qidalanır, yeriyir, hərəkət edir. Bu yaşda ikinci baharını yaşayacaq. Həm də xəstəni qəbul etmək çox çətin idi. Onun yeganə şansı əməliyyat oldu, amma şükürlər olsun ki, xəstəmiz sağaldı.
