Bir şey əskik olduqda, bədənimiz daim buna işarə edəcək siqnallar göndərir, biz isə çox vaxt buna məhəl qoymuruq. Qida çatışmazlığı müxtəlif sağlamlıq problemlərinə səbəb ola, ümumi fiziki əlamətlər isə hansı qida maddələrinin çatışmadığını göstərə bilər.
Bu haqda Harvardın Qastroenteroloqu Dr. Saurabh Sethi, öz Instagram hesabında, izləyicilərə “Bədəniniz sizə bir şey demək istəyir?” sualı ilə müraciət edərək, videopaylaşım edib. Bu videoda doktor Sethi, lazımi qida maddələrinin kifayət qədər alınmaması ilə əlaqədar beş əsas əlaməti vurğulayıb.
“Dırnaqların qırılması, əzələlərin titrəməsi, oynaqların çatlaması, saçların vaxtından əvvəl ağarması və göyərmələrin yaranması kimi əlamətlər qida çatışmazlığının əlamətlərinə işarə edir. Bu simptomlar zülal, dəmir, maqnezium, vitamin D3, kalsium, B12 vitamini, mis, C vitamini və K1 vitamini kimi əsas qida maddələrinin çatışmazlığını göstərir.” deyə Harvardın həkim mütəxəssisi Saurab Sethi bildirib.
O həmçinin, əlavə edib ki, balanslaşdırılmış pəhriz bu çatışmazlıqları düzəltməyə kömək edə bilər.
