Bədənin daxili saatı yeniyetmələrdə “gec yatmaq” vərdişi yaradır.
Sherg.az Medicina-ya istinadən xəbər verir ki, yeni araşdırma göstərib ki, artıq çəkisi və ya piylənmə problemi olan yeniyetmələr axşam saatlarında normal çəkiyə sahib olan yeniyetmələrə nisbətən daha çox kalori qəbul edir. Səbəb isə bədənin daxili saatı yeniyetmələrin nə qədər və nə vaxt qida qəbul etməyi ilə bağlıdır. "Tədqiqata başlayarkən, biz bilirdik ki, bədənin daxili saatı aclıq hissinə və maddələr mübadiləsinə təsir edir", - deyə ABŞ-nin Harvard Tibb Məktəbinin professoru və tədqiqatın müəlliflərindən biri Frenk Şir bildirib.
Tədqiqatçılar, 12-18 yaş arası 50-dən çox yeniyetməyə 11 gün 10 gecə nəzarət edib. Bu yeniyetmələr yuxuda olduğu zaman tam qaranlıq, oyandıqda isə zəif işıqlandırma altında olub. İştirakçılar ənənəvi 24 saatlıq yuxu-oyanma dövrü əvəzinə 28 saatlıq cədvələ əməl edib. Onların nə vaxt və nə qədər yedikləri izlənilib. “Proceedings of the National Academy of Sciences” jurnalında dərc olunan nəticələrə əsasən, yeniyetmələrin yemək vərdişlərinin bədənin bioloji saatından təsirləndiyi sübut edilib.
