ABŞ-ın Virciniya universiteti və Ailə Tədqiqatları İnstitutunun (IFS) alimləri müəyyən ediblər ki, liberal qadınlar mühafizəkarlardan üç dəfə çox tənhalıq hiss edirlər.
Teleqraf xəbər verir ki, araşdırmanın nəticələri barədə IFS məlumat yayıb.
Qadın könüllülər (18-40 yaş arası) arasında aparılan sorğu liberal baxışları olan qadınların yalnız 12 faizinin həyatlarından tam razı olduğunu göstərib.
Bu nəticələr bir neçə il ardıcıl olaraq mütərəqqi qadınlar arasında xoşbəxtliyin azaldığını göstərən əvvəlki tədqiqatları dəstəkləyir.
Sorğunun nəticələrini təhlil edən Virciniya universitetinin sosiologiya üzrə alimi Brad Vilkox nəticələri izah edən bir neçə amili qeyd edib. Onun sözlərinə görə, mühafizəkar qadınlar daha müstəqil olurlar. Onlar həm də özlərini qlobal, sosial və siyasi problemlərin qurbanı kimi qəbul etmirlər. Həmin qadınlar həmçinin sosial məsələlərdən daha az narahatlıq keçirirlər.
Amerikalı alim iddia edir ki, mühafizəkar qadınlar cinslər arasında bioloji və sosial fərqləri qəbul etməyə meylli olurlar: “Bu, minilliklər boyu kök salmış ənənəvi baxışları əks etdirir. Bunun əksinə olaraq, liberal qadınlar təhsil və karyera imkanlarının yaxşılaşmasına baxmayaraq, tez-tez artan narahatlıq yaşayır və ümumi xoşbəxtlik səviyyələrini aşağı salırlar”.
