20-lik çürüyə dişlər artıq sadəcə çəkilib atılan zibil deyil. Onların içindəki kök hüceyrələr sinir, sümük, damar və kornea toxumalarının bərpasında istifadə oluna bilir. ABŞ və Avropada artıq bu dişlər xüsusi biyobankalarda qorunur. Türkiyədə də bu sahədə ilk addımlar atılıb.
“Şərq” xəbər verir ki, ağız, diş və çənə cərrahı Doç. Dr. Münir Demirel bildirib ki, 20-lik dişlərin pulpası mezenkimal kök hüceyrələrlə zəngindir. Bu hüceyrələr müxtəlif toxumalara çevrilə bilir və gələcəkdə Parkinson, Alzheimer, ürək-damar xəstəlikləri, sümük qırığı, görmə itkisi kimi hallarda müalicə məqsədilə istifadə oluna bilər.
Ən maraqlı tətbiqlərdən biri isə kornea nəqli uğursuz olanda, dişdən hazırlanan süni protezlə görmənin qismən bərpasıdır.
Bundan əlavə, Yaponiyada aparılan bir araşdırmaya görə, xüsusi bir genin təsiri aradan qaldırılarsa, çəkilmiş və çürümüş dişlərin yerinə yenidən təbii diş çıxa bilər. Hələ ki, bu üsullar sınaq mərhələsindədir, amma gələcəkdə tibbdə inqilabi dəyişikliklərə yol aça bilər.
