Siqaret, qəlyan və tütün çeynəməsi də daxil olmaqla tütün istifadəçilərinin sayı 2000-2024-cü illər arasında azalıb, amma dünyada hər 5 ahıl insandan biri hələ də tütün asılılığından əziyyət çəkir.
Teleqraf xəbər verir ki, bu barədə məlumat Ümumdünya Səhiyyə Təşkilatının (ÜST) 2000-ci ildən 2024-cü ilə qədər tütündən istifadə tendensiyalarına dair yeni hesabatında yer alıb.
Bildirilir ki, tütün istifadəçilərinin sayı 2000-ci ildəki 1,38 milyarddan 2024-cü ildə 1,2 milyarda düşüb.
2010-cu ildən bəri tütündən istifadə edənlərin sayı 27 faiz, yəni 120 milyon nəfər azalıb.
Hesabat dünya əhalisinin 97 faizini əhatə edən 2000-dən çox milli sorğunun nəticələrinə əsaslanır.
Sənəd ÜST-nin 2025-ci ilə qədər qlobal tütün istehlakının 30 faiz nisbi azaldılması hədəfinə doğru irəliləyişi izləmək üçün tərtib edilib.
Təşkilatın məlumatına görə, cari irəliləyiş 27 faiz təşkil edir ki, bu da hədəfdən 50 milyon istehlakçıya azdır.
