Dərhal xəstələnirlər, hər il artır
Qış mövsümünün gəlişi ilə qrip halları yenidən artmağa başlayıb. Soyuq havalar, boğazı yandıran quru öskürək və halsızlıq hissi bir çox insanı eyni vəziyyətə salır. Mütəxəssislər isə artıq bu halın yalnız hava şəraiti və ya immunitet sistemi ilə bağlı olmadığını bildirirlər. Yeni araşdırmalar göstərir ki, qripə yoluxma tezliyində qan qrupunun da düşündüyünüzdən daha böyük rolu var.
Sherg.az xəbər verir ki, boğazı yandıran quru öskürək, halsızlıq və qızdırma milyonlarla insana təsir etməyə başlayıb. Son araşdırmalar isə qrip virusunun təkcə soyuq hava ilə deyil, qan qrupları ilə də sıx əlaqəli olduğunu ortaya qoyur.
Epidemioloji tədqiqatlar göstərir ki, bəzi qan qrupları qrip virusuna qarşı digərlərinə nisbətən daha müdafiəsizdir. Xüsusilə A və AB qan qrupuna sahib insanların qrip mövsümündə daha tez xəstələndiyi diqqət çəkir. Əksinə, 0 qrupuna aid fərdlərin immun cavabının daha güclü ola biləcəyi və buna görə qripə qarşı nisbətən dayanıqlı olduqları müşahidə olunub.
Alimlər bu fərqin qan hüceyrələrinin səthindəki antigen quruluşundan irəli gəldiyini düşünür. Antigenlər, orqanizmin immunitet sisteminin virusları tanımasında mühüm rol oynayır. A və AB qrupundakı antigenlər bəzi qrip viruslarının bu hüceyrələrə daha asan yapışmasına imkan verir.
Səhiyyə qurumlarının paylaşdığı son statistika da bu araşdırmaları təsdiqləyir. Məlumatlara görə:
A və AB qan qrupları qripdən ən çox təsirlənənlər sırasındadır.
B qrupu orta səviyyədə risk daşıyır.
0 qrupu isə ən az yoluxma faizi ilə seçilir.
Bu mənzərə, xüsusilə hər il artan qrip halları fonunda olduqca diqqətçəkicidir.
Əlbəttə, qan qrupu mühüm amildir, amma yeganə həlledici deyil. Bir şəxsin qripə yoluxma ehtimalına təsir edən başqa çoxsaylı faktorlar var. Uşaqlar və yaşlılar daha riskli qrupda hesab olunur. Həmçinin immuniteti dəstəkləyən vitamin və mineralların çatışmazlığı qripə zəmin yaradır. Əl yuma vərdişləri, izdihamlı yerlərdə maskadan istifadə və otaqların havalandırılması böyük fərq yaradır.
Həkimlər A və AB qan qrupuna sahib insanların qış aylarında daha diqqətli davranmalarını vurğulayır. Onlara məsləhət görülür ki, qrip mövsümündə uzun müddət bağlı, izdihamlı məkanlarda qalmasınlar, keyfiyyətli və kifayət qədər yuxuya önəm versinlər, C vitamini, sink və antioksidantla zəngin qidaları tez-tez qəbul etsinlər və lazım gələrsə peyvənd olunsunlar.
Son illərdə qrip hallarında yalnız say deyil, xəstəliyin gedişatı da dəyişir. Daha uzunmüddətli öskürək tutmaları, yüksək hərarət və güclü halsızlıq kimi əlamətlər daha geniş yayılıb. Bu vəziyyət xüsusilə riskli qan qrupuna sahib şəxslərdə daha çox müşahidə olunur. Mütəxəssislər bildirirlər ki, hər il qrip halları bir qədər tez başlayır və daha uzun sürür. Buna görə də “Mənə qrip olmaz” deməkdənsə, öz risk faktorlarını tanıyıb ona uyğun davranmaq ən doğru yanaşmadır.
