Gündəlik qəhvə qəbulu qocalmanı yavaşladır.
Medicina.az xəbər verir ki, Harvard Universitetində aparılan bir araşdırma, səhərlər içilən bir fincan qəhvənin günə başlamaq üçün enerji verməklə yanaşı, sağlam qocalmanı da dəstəklədiyini ortaya çıxarıb.
Araşdırmq müntəzəm olaraq kofeinli qəhvədən istifadə edən qadınların sonrakı yaşlarda həm fiziki, həm də ruhi sağlamlıqlarını qoruma ehtimalının daha yüksək olduğunu göstərib.
Araşdırmaya rəhbərlik edən Dr. Sara Mahdavi, 47 min qadının qidalanma, həyat tərzi və sağlamlıq məlumatlarının araşdırıldığını ifadə edib.
Araşdırmaya görə, hər gün əlavə olaraq içilən bir fincan qəhvə sağlam qocalma ehtimalını 1 faiz artırır. Gündə təxminən 2,5 fincan qəhvə içən qadınlarda bu nisbət yüzdə 5-ə yüksəlir. Tədqiqatçılar kofeinsiz qəhvə və ya çayın oxşar təsir göstərmədiyini qeyd edirlər.
Uzunmüddətli məlumatlar göstərdi ki, qəhvə qəbulu təkcə enerji səviyyələrini artırmır. Həmçinin Alzheimer, diabet, yüksək qan təzyiqi və ürək xəstəliyi kimi ümumi sağlamlıq problemlərinə qarşı qoruyucu təsir göstərir.
